صـباح الخـير رسـالة تـستحـق القراءه أما بعد : الفرصة البتتقدم ليك هسي على طبـق من دهـب الليـلة ٬ بكره حتتقدم ليك على طبـق من فضـه و بعدوو حتتقدم ليك على طبـق من نحـاس وبعدها حتتقدم ليك على طبق حديد وبكره حتصدي وبكره حتفقد الفرصـة الـرسالـة هنا وين من الكلام الكتير دا ؟ إنـو الفرصـة الحتلـقاها الليـله ماهـي نفسها الحتلقـاها بكرة وكـل يوم ماشه تـقل وكـل يوم بيـمر إنت بتخـسر يعني شنو !؟ يعني الفرصـة البتتعرض ليك الليله تكاد تكون فرصة العمر اللي هي انت لو ضعيـتها من يـدك حتـدفع التمـن كتـير عشـان تحصل عليها ووقتها الحصول عليها قد يكون صعب أو منعدم وحتتعب وحتحاول كـتير .. على سبيـل التجربة الشخصية لمن فكرت في الطب كمجال وهو طبعا رغبة أبوي الله يديهو الصحه والعافيه ويطول في عمرو نسبتي ما كانت نسبـة بتخليني انافس بيها في التقديم أو المنح وكدا نسبه ل ظروف مَرضيه حصلت لي بس النسبة كانت مُرضية بالنسبه لي أبوي ما كان شايف انو النسبة بتعبر عن مستواي وكان شايف الاعاده خيار كويس لانو انا دخلت المدرسة في عمر صغير ف ما حاجه حتكون مؤثره شديد في حياتي وشال فكره التعليم الخاص نهائي لانو هو خريج جامعه الخرطوم فكان شايف انو التعليم الحكومـي لا يعلى عليـه وفعلا هو ليهو مكانتو واسمو وكل شي بس الوقت داك ما كان عندي فرصه فيهو للاسف قعدت معاهو وقلت ليهو التعليم الخاص حاليا هو أفضل خيار لانو أصلا نحن كدا كدا حندفع سواء الليله أو بكره والواحد محتاج يكسب زمنو بعيداً عن المجال هو شنو لانو الفرصـة الكانت بتتقدم لي في جامعه خاصه بمبلغ عالـي كانت كافيه انو تخليني اكسب زمني وقتها وانجز خصوصا انو السنه الامتحنت فيها انا تالته بدينا 2019 امتحنا 2020 النتيجه طلعت 2021 يعني سنتين وحاجه ونحن في سنه واحده الفرصه حقت الجامعه الخاصه أفضل بمليون مرة مني اني اعيد وانتظر مستقبل ما معروف حدو وين والارهب من كدا انو حتى المقاعد الخاصة (التعليم المدفوع) في الجامعاات الحكومية كان بدفعو عليهو مبالغ عاليه برضو كانت قروش كتيره ف الوقت داك يعني زيو وزي الخاص ماف فرق. اغتنمـت الفرصة اللي هي جاتني على طبق من دهب والحمد لله رب العالمين واتسهلت لي كل الطرق والاسباب لي الطب. واللي هو نسبتي جات على قدر الطب الخاص بالظبط لا اكتر ولا اقل كأنها اشاره سـبحان الله الفرصة الاتقدمت لي وقتها لو كنت بدلتها وما اغتنمتـهـا كنت حاكون حاليـاً في مكان تاني في حياة تانيه أو ربما مجـال تاني وكل شي حيتـغير كانت حتختلف من طبق الدهب لحدي تبعد كل الفرص وانا افتش فيهـا وكنت حادفع اكتر من الدفعتو واتعب اكتر وابذل مجهود في طريق ما عارفه نهايتو شنو .. العبرة من القصـه انو ربنا برتـب كل شي بطريقه رهيـبة شديد والحمدلله على اختيارات ربنا ... بس الموضوع محتاج منـك شويه سعي ومجهود عشان تعرف إنو ما اي فرصه بتضـيع منك بتكـرر كل شي انت بتضيـعو حتتعـب عشان تصل ليهو ويمكن ما تصـل ! عشان كدا اغتـنم اي فرصـة بتجـيك اسعي في كـل شي عشان خاطر مستقبلك وهو الشي الوحيد في الحياة البسـتاهل انك تمشي وتحاول واليوم انا بحمد ربنا على كل شي حصل وبكل الرضا الفي الدنيا وفخوره جداً ومبسوطه بي انجازاتي ف الحياة ربنا اداني فرصه وانا مشيت فيـها وسعـييـت. 🤍 والحمدلله دائما وابدا الخلاصة الفـرص مـا دايـما بتتكـرر الليلـة يمكن تكـون متـاحة ليـك بس بكره لا حيجـي شخـص يـاخدها والطـريق المـا سلـكتو إنـت حيسـلكو غـيرك اي مـاف زول بياخد رزق زول بـس رزقـك لو مـا سـعيت ليهو وفرصـتك لو ما اغتـنمتها حتتـاخد من شخـص غيرك عشان كدا يبقى لازم تحاول وتجتـهد 🤍 #الـفرص_ما_بتتكرر #حاول_عشان_تصل بقـلمي: دكتورة عصماء صلاح 🤍🌸