16/6/2009 16/6/2025 16 عـاماً من النجاحات والانجازات 🤍🤍. 16/6/2009 كـان أول يـوم مدرسـة لي اليوم دا كـان حلو عشان شنطتي الفيها عجلات لونها أسود بي ازرق لي هسي بتذكر اليوم دا كانو أمبارح 🤍 ينيفورم المدرسه الجديده واحساس الفرح وفي نفـس الوقـت كنت الطفله البكايـة بفـرح بي تـفاصيل المدرسة بس ما بحـب أفارق امي يعني امي لو جات المدرسة أو طلعت معاي للترحيل اليوم داك بتحصل مصيبه 😂 ستـاير البيت كانت واقفه معاي عشان بدسا فيها وقت الترحيل يجـي شهرين كنت ما بحضر الحصص وانا بكون في المدرسة كنت انسانه مااشاء الله فصيحه شديد . كنت دايما متفوقه الحمد لله من وانا صغيره درجاتي كانت مشرفه شديد ونجاحاتي كانت مبهره مااشاء الله تبارك الله 🤍 بعدها شويه بديت اتكاسل رابعه وخامسه و وسادسه مستواي بدا يقل رجعت كويسه تاني سابعه وتامنه دخلت مركز تحفيظ القران في عمر صغير وما كملت والبدايه الفعليه كانت وانا عمري 14 سنه وما كملت برضو وللان قاعده أجاهد دعواتكم لي أختم قريب واقدر انجز🤍 اتكرمت من منظمه الدعوة الاسلاميه في محليه شرق النيل في مركز الزهراوات لتحفيظ القران في عمر 9 سنه دخلت اليوسي ماس وانا عمري 12 سنه كان لي نصيب في المركز الثالت على مستوى السودان حياتي كانت ما بين موهبتي أو خلونا نقول الهوس في كتابه الشعر اللي بديتها من وقت صغير شديد كنت عامله ضجه في طابور الصباح اتكرمت بي جائزة في مجال الالقاء والتقديم 🤍 ووصـلت قمه نجاحاتي في الثانوي مااشاء الله كانت فتره منوره بي نجاحاتي وانجازاتي واتكرمـت بي جوائز كتيـرة 🤍 وشهادات تقديريه🤍🤍 كنـت بدرس طالبات الثانوي المعاي في نفس السنه والحصه حقتي كانت رسميه نازله من الادارة كون طالبه عمرها 13 سنه تدرس دي ما كانت حاجه بسيطه بالنسبه لي كان انجاز عظيم وانو يتم اختياري انا بالذات لي المهمه دي وانو يكون عندي حصتين كل اسبوع كان فخر كبير لي وقتها 🤍🤍🤍 بعدها امتحنت تالته جبت 80.9 صح كان ما بين احباط ونجاح لكن الحمدلله دخلت الجامعه 2021 بديت تجربتي في العمل الطوعي من سنتين واخدت شهادتين من مبادرة طلاب المجالات الطبيه شاركت في القسم الاكاديمي والاعلامي برضو اخدت كورسات وشهادات معتبره في حياتي ولسه مواصله وشايفه نفسي ما انجزت 🤍 خضت تجارب كتيره في عمر صغير مريت بي تفاصيل كتيره صنعت مني عصماء القويه🤍 دعم أبوي كان حاضر في كل تفاصيل امي ودعوات امي ووجود اخواني 🤍🤍 كلها كانت دوافع عشان استمر🤍 واليوم انا بعد 16 عام احدثكم وانا دكتورة 🤍🤍 ماف عائق لي زول عايز ينجز وربنا حيعين من يسعى انجازاتي بسيطه شديد بس مقارنه بي عمري انا فخوره جدا بي نفسي الان 🤍. حاول في كل يوم اكتسب مهاره جديده معلومة جديده طور من نفسك حتى لو انجازاتك بسيطه قوم ابدا وحاول في مجالات كتيره الواحد قادر يبدع فيها ربنا بدي كل زول مميزات وحاجات بتخصـو طور منها حاول فيها جرب حاجات جديده وصدقني حيكون ليك اسـم وانجازاتت كبيرة 🤍 الحمدلله رب العالـمين على كل نعم ربنا 🤍 مااشاء الله تبارك الله ولاحول ولا قوة إلا بالله اللهم آدم علينا النجاحات والتطور ووفقنا لكل ما تحب وترضى 🤍 د.عصماء صلاح 🤍🌸