#الكوليرا_تفتك_بالسودان يا وطن عز الشدائد والمكائد والمهن هل انت يا سودان سقيم؟ هل انت يا سودان عقيم حواء لم تلد الرجال ندعوك يارب يا رحيم يااا عالم السِر والجهر ارزقنا راعٍ مستقم يغرس بزور الارتقاء يزرع ظلالا وارِفة يجمع شتات شعبا تعب يزكر جدودنا السالفة يحفر على ارض السواد يقطع جزورا تالفة يلقيها من اعلى الجبال عبر الرياح العاصفة **** شيويعيون انقاذيون اتحاد وامة وبعثيون احزاب كثير ما ليها حد فارضين عليك علمانيون اسماء كثيرة مبعثرة كل الشعب سودانيون *** ما فيك زول عايز نُصح بل كلهم عايزين مهن رافعين شعارات النصر من تحتها واضعين صحن اتوغل الجار والبعيد اتوشحوا ثوب الوطن صرخت طفيلات الزمان الفيك كان نايمات صِحن سالت دماء الابرياء والنيل دموعو اتجرجرن **** والنيل زي طفلا يتيم لا لاقي سين لا لاقي جيم من تانا في اعلى الحضاب عبر السهول والي الجحيم *** ناس في الرخام ناس في الخلا ناس في النعيم ناس في الحلا ناس في السهول ناس في الصخور داناتا ديمة مٌعَمَّرة ناس في الخيام اطفالا ديمة مُجَلِلا برد الشتاء حر الشمس بي توب حليمة مظلِلة حليمة في الشرق والغرب وحليمة بين كل الملأ ** وحليمة حبوبةً عجوز تعبانة من كتر الوقوف بين المتاريس والصفوف محتارة بين ترفع كفوف او ترفع حفيدها على الكتوف عميانة في ليلا دُجى حيرانة بين إلفة وأُلوف ماااااجاها خوف محتاجة لي قلبا صِفى ياناس خلاص يا ناس كفى رِقاً نشف حلقا جفى نمسح دموعنا نولِفى نجمع عقاب الزكريات ونكون خلاص عسلا صِفى نجمع عقاااااااب الزكريات ونكون خلاص عسلا صِفى #الخرطوم #السودان