إياك والاستهتار وخصوصاً بهل وقت ياطالب انت تعبت ١٢سنة هلكت مانمت فقت بكير من عز نومتك جعت عطشت بردت شوبت نمت ع كتبك من تعب سمعت حكي طالع نازل لا قريب لا غريب لا اهل لا رفيق لا حبيب كلو كذب بكذب كلو بيتعوض اليوم بهل ايام لا تصدق حدا راح يقول هاد عندو بكلوريا ماراح لهيه بالعكس مصلحتو يجي ويقعد معك ويضوع وقتو الفارغ معك ونفس هل شخص راح يسمعك حكي بيوم نتائجك انت متخيل انو ممكن تقلو انا قعدت معك بالوقت الفلاني وانت سبب هههه لا لا مراح تكون حجة الرفقة الفاشلة الي ناطرين وقت فراغ لحتى يملوه ويجو يشتت افكارك بتعرف غيرك هلق بارك بغرفتو وعايش ع وجبة وحدة وع بريق المي؟ بتعرف غيرك متمني ربع الي انت هلق صاحلك؟؟ بتعرف غيرك ابوه جابروا يشتغل وهوي بشغلوا شايل كتبو؟؟؟ بتعرفي غيرك هلق شايلة حمل بيت ومسؤولية ؟؟ ليش لحتى ماتدرس الشهادة الك سمعني انا مش راح قاسمك فيها؟ النجاح والرسوب الك مجموعك الك طموحك ناطرك مستقبلك ناطرك تعبك بدو ياك تعوضو مو من حقو؟؟ كلياتنا بنعرف في تعب ومرحلة مستقبلية اهم من جامعة حتى بس هذا مايعني تتراخى قضيت كل السنة تركد من قرنة لقرنة اخر شي تبرك اخر شي تلتهي مع فلان وعلان ولشوف هاد شو حكى وهاد شو علق وهاد شو عم يحط ستوري عيب والله هلحكي مني يطلع انتو طلاب راح تصير دكتور بعد شهر وراح تصيري مهندسة بعد شهر ...حط ايدك بايدي✋🏻وبلش سكر موبايلك بعد عن دنيا كلها احرم حالك من كلشي معليش ماراح تموت بالعكس راح تنجبر بعد شهر بشي ما كنت متخيلو ولا راسمو بمخيلتك ✋🏻🔥🤍 ولا ننسى شعارنا نحن لها