TO: LIBRARY OF BOOKS 📚 Heri ya mwezi mpya! 🚀 _A luta continua — Mapambano yaendelee!_ *Leo tunaanza mwezi mpya, kipindi kipya chenye fursa mpya za kusonga mbele na kukamilisha safari ya ndoto zetu. Tupo katikati ya mwaka, miezi sita imepita, na ni imani yangu kuwa angalau asilimia hamsini (50%) ya malengo yako yameanza kutimia. Kama bado, usivunjike moyo — ongeza bidii, simama imara, na zaidi ya yote, muombe Mungu akuongoze ili kutimiza yote uliyopanga mwaka huu.* > Katika safari ya mafanikio hakuna njia ya mkato. Ni mapambano ya kila siku. Ni kujifunza, kusoma, na kujiendeleza binafsi kila wakati. Maktaba hii ya vitabu ni ushahidi kuwa maarifa ni hazina kubwa isiyozeeka. Vitabu vilivyomo hapa vina nguvu ya kukufungua kiakili, kukuinua kiroho, na kukufundisha namna ya kugeuza changamoto kuwa mafanikio. Nakusihi, chukua muda wako usome, tafakari, na tumia maarifa utakayopata kutimiza malengo yako. Kama unahitaji mwongozo mzuri wa kuanza, rejea kitabu CHA ["Timiza Malengo" kilichoandikwa na Joel NANAUKA] — ni dira thabiti ya kuamka kutoka usingizi wa kusuasua na kuingia kwenye kasi ya mafanikio ya kweli. Usikubali mwaka huu uishe bila kuona matokeo ya ndoto zako. Kama unaishi, basi bado kuna nafasi ya kufanikisha unachotamani. Kama unavuta pumzi, basi Mungu bado ana mpango na wewe. Tukumbuke: > Hatima yetu haipo mikononi mwa dunia, bali ipo mikononi mwa bidii yetu, imani yetu, na uamuzi wetu wa kutokukata tamaa. Twende tukatimize malengo yetu. Tuwe mabalozi wa mabadiliko katika jamii zetu. Na tuendelee kupambana kwa imani, maarifa, na maombi. A luta continua – Mapambano yaendelee! Asanteni sana. — Josiah Nashon 📞 0766 408 259 Instagram 👇 👇 👇 https://www.instagram.com/jnashon20?igsh=eDRlb3d2ODN0eWhj 📚 Maktaba ya Vitabu – Kituo cha Maarifa na Mwelekeo Sahihi.