*Қозонда муҳожирларга сохта регистрация қилган Иисус Христос ҳибсга олинди* Қозонда суд ижрочилари 45 ёшли ҳақиқий исми Иисус Христос бўлган эркакни судга олиб келиш учун махсус операция ўтказди. Атиги 31,9 квадрат метрлик квартирада яшаган Иисус оз эмас, кўп эмас, 45 нафар хорижликни рўйхатга олганликда гумон қилинмоқда. Расмийларнинг фикрича, бу сохта “регистрация” бўлган. Яъни, одамлар ўша ерда яшайди деб қайд этилган, лекин аслида улар у ерда турмайди. Суд уни мажбуран олиб келиш керак деган қарорга келгач, уйига суд ижрочилари келишди. Аммо эркак эшикни очмади. Айёр ходимлар унинг мобил телефонига қўнғироқ қилишди - қўнғироқ квартирадан эшитилди, бу унинг уй ичида эканлигини англатарди. Суд ижрочилари баланд овоз билан полни тақиллатиб гўё кетгандек кўрсатиб, пистирмада кута бошлади. Бироз вақт ўтгач, квартирадан чиққан эркак дарҳол қўлга олинди. Ҳибсга олинганидан кейин унга нисбатан суд ижрочилари ишига аралашгани учун протокол тузилди. Бу Россия Федерацияси Маъмурий жавобгарлик тўғрисидаги кодексининг 17.8-моддасига мувофиқ маъмурий ҳуқуқбузарлик ҳисобланади. Суд уни 60 минг рубл жаримага тортди. Энди Иисус Христос исмли одам нафақат сохта “регистрация”, балки суд ижрочиларига эшикни очишни истамагани учун ҳам катта миқдорда жарима тўлайди.