*Санкт-Петербургда лицензиясиз спиртли ичимликлар сотган ўзбекистонлик судланди* Санкт-Петербург суди Василевский ороли ҳудудида кафеда рухсациз спиртли ичимликлар сотган ўзбекистонлик мигрантнинг ишини кўриб чиқди. Мигрантнинг кафе очиб ишлатмоқчи бўлган. Бироқ Россия фуқаролигига эга бўлмагани учун якка тартибдаги тадбиркор (ИП) сифатида рўйхатдан ўта олмаган. Кейин у бошқа шахсни топиб, кафени унинг номига расмийлаштирган. Василевский оролидаги “Учқудуқ” номли кафени мигрантнинг ўзи бошқарган. У 1,8 миллион рублдан ортиқ спиртли ичимликлар сотиб олиб, кафеда сота бошлаган. Ходимлар муассасада спиртли ичимликлар сотиш учун махсус лисензия йўқлигини билишмаган. Шу боис, эркакка нисбатан спиртли ичимликларни кўп миқдорда ноқонуний сотгани учун жиноий иш қўзғатилган. Суд муҳожирнинг расман Санкт-Петербургда яшаётгани, рўйхатдан ўтгани, доимий иш жойи борлиги ва ижобий тавсифномага эга эканлигини аниқлаган. У илгари судланмаган. Эркак ҳам ўз айбига тўлиқ иқрор бўлганини билдирган. Унинг 2014 ва 2015 йилларда туғилган икки нафар кичик фарзанди бор. Болалар Россия фуқаролари. Суд уни икки йил шартли муддатга ҳукм қилди, яъни у қамоққа тушмайди, балки 1,5 йил давомида назорат остида бўлади. Ўзбекистонлик мигрант суд залидан озод қилинди. Суд кафеда сақланган барча спиртли ичимликларни йўқ қилишга қарор қилди.