🐶 Қозонда муҳожир болакайга ит ҳужуми жанжалга олиб келди Қозонда Осиновода содир бўлган воқеа сабаблари ўрганилмоқда. Муҳожир ва ўсмир ўртасида муштлашув келиб чиқди. Бунга йигитнинг ҳамроҳи бўлган қизнинг ити сабаб бўлди. Дастлабки маълумотларга кўра, ити билан сайр қилиб юрган жуфтликнинг кучуги сал нарида ўйнаб ўтирган мигрант болаларнинг олдига югуриб борган. Бундан болалар қаттиқ қўрқиб кетган. Боланинг отаси билан йигит ўртасида оғзаки жанжал бошланиб, муштлашувга айланган. Ўткинчилар уларни ажратишга уринишган. Қизиғи шундаки, ҳамма болани ҳам, итни ҳам унутиб қўйганда ҳайвон яна болакай томон югурган. Жанжал лаҳзалари видеокузатув камерасига тушиб қолган. Ҳар икки томон полицияга ариза топширган. Ҳозирда тергов ҳаракатлари олиб борилмоқда.