حصل يوم فكرت حبوباتنا زمان كان بتشلخو ليه ؟! 🤔 اذا سألت حبوبتك من الموضوع دا عادي بتعمل منك رايحه🙆🏽‍♂️ م تعرف ليه .! 😂 - الشلوخ أصلاً عادة كوشية بدت من 750 سنة ق.م ظهرت في نقوش التماثيل؛ و بتكون تلاتة خطوط رأسية أو أفقية ومرات شكل (T) أو شكل (H) على الخد او الوجه. - في 3 أسباب للشلوخ: 1/ بتعتبر علامة جمال.💕💅 بالرغم من انها مؤلمة جداً لكن كانت ضرورية لزينة المرأة السودانية قديماً، والرجال كانو بفضلوا المرأة المشلخة للزواج👰🏽 وحتى الشعراء بيتغنوا لجمال الشلوخ 🎶 2/ الانتماء. 🙏🏽 كانو بثبتو بيها إنتماء الفرد للقبيلة؛ وكل قبيلة عندهم شلوخ مميزة زي الشوايقة والجعليين والعبدلاب والمحس والدناقلة وغيرهم .. وما بيجوز ليك تعمل شلوخ قبيلة ما قبيلتك أبداً 🙅‍♂️ 3/ أسباب علاجية. 👩‍⚕️ كان في اعتقاد بانو الشلوخ بتحمي من أمراض العيون وأمراض الرأس وبتمنع التجاعيد؛ وحتى الندوب بيعتقدو انها بتطلع كل السموم الداخلية الموجودة في الجسم. - الشلوخ زمام كانت بتعتبر علامة جمال واثبات للانتماء وإرث بيعكس ثقافتنا السودانية🇸🇩 لكنها وقفت لأسباب 🤷🏽‍♂️ 👈 انتو رأيكم شنو في الشلوخ ؟ هل سبب توقفها هو التعليم و تطور الحياة الحديثة والتمدن ؟! ولا تبدّل معايير جمال المرأة ؟! ✨ #❦ كابتشينو ㋡ #استمتع_واعرف_روعة_السودان