#بتحكي قالت الموضوع كلو كان عبارة عن هظار كنت بتكلم معاهو في الماسنجر،وهو صحبي❤وفي نص الونسة والضحك والهبل بتاعنا،قال لي تتزوجيني💜؟ قلت ليهو بهظار انت جاهز للعرس،لو جاهز وح تظبط لي اموري كلها أنا موافقة، ضحك وقال لي أيوة جاهز، وحبابها ألف طلباتك❤ قلت ليهو بنفس درجه الهظار عاوزة قفة فرح عبارة عن شوكلاتات انواع واشكال واندومي ضروري، قال لي اممم طيب ماعندك مشكلة اعتبريها جاتك، قلت ليهو طيب ههههه قال لي اديني رقم ابوك وحددي لي معاهو موعد😹 قلت ليهو طيب هاك وبالفعل اديتو الرقم وقلت ليهو تعال يوم الجمعه ابوي واخواني قاعدين وحتى اعمامي ح يجو كمان كيف بالله؟ قال لي ظاابط خلاص خليك مستنياني جاي اشيلك يالسمحة💜 قلت ليهو مستنياك😹❤ الكلام دا كان يوم اتنين وانا على اساس هظار نسيت الفكرة لحدي ما جاا يوم الجمعه والغريبة انو كان مختفي ومابرسل لي قلت يمكن مشغول وكدا بس اتفاجأت بيهو في نص بيتنا💜كنتا شايلة حلاوة مصاصة وجارية وراا ود عمي الصغير وهو جاا داخل مع اهلو وقفتا مسافة وماعرفتا ارجع ولااسلم عليهم ولا اجري كنتا لابسة بجامه قصيرة وعاملة حمامتين ، حمر لي مساااافة طوالي جريت خشيت جوه😭اختي قالت لي في شنو مالك ، ماكنت قادرة استوعب وجودو ابدا،بعد ربع ساعه جاتني اختو سلمت علي كأنها بتعرفني من سنين💜 ادتني قفة فرح وقالت لي جابا ليك حلالك❤ عاينت ليها وانا متفاجأه بكلامها دا ضحكت وقالت لي ح تفهمي ح تفهمي فجأة كده جاتني مكالمة من اخوي رديت ليهو اي يا غلاي قال لي شكلك شفتي غلا غيري المهم ليه ما كلمتينا بموضوعك دا؟ في داعي للمفاجأة دي يارمة انتي، قلت ليهو انا ما فاهمه حاجه ، قال لي فلان دا اتقدم ليك ياخ ومستعجل وعايز يعقد كمان ❤المهم الحاج قال يسألوك رايك شنو؟ ياخ اتلخبطتا شديد وبقيت ارجف اخوي قال لي هااا شكلك موافقة صاح ، لانو هو جاي وواثق كمان قلت ليهو أنا، أنا،اووف خلاص موافقة، قال لي هييع خلاص ح نعقد 😍وقفل الخط ، اختو قالت لي اخوي دا طيب وح يشيلك في راسو ، يلا البسي وتعالي امي مستنياك ، نفسها تشوف مرت ولدها❤وطلعت خلتني ، كمية اللخبطه الحصلت لي وترتني شدييد لبستا وانا بفكر كيف انا وافقت بالسهولة دي ❤😭 أمي جاتني و قالت لي بايرة و للعرس دايرة 😹 وايوووي مبروك عقدو ي بتي وحضنتي وبكينا 😭♥️🔥 الهظار في المسنجر دا مرات سمح خلاص هظرو يجماعة حتكسبو وما تنفسني براك تاقي كل الشلة ياخ🤣♥️ م تبقي غتيت🫠 وشير البوست ل اصحابك😆 . . ❦ كابتشينو ㋡