#بتحكى💚🌎 مره مشينا كافي أنا وصحباتي ف المهم في واحد كان شغال هنا م عارفه بس هو جزبني من أول مره كنت بس بعاين فيهو صحبتي قالت لي الليله مالك قلت ليها عايني الولد دا عجبني بقو يضحكو وأنتي فينى قالو لي م تفضحينا تعاينى لي ويتر بقو يضحكو وأنتي م جاده ولا شنو م أشتغلت ب كلامهم بس سكت على كده مره شهر وتاني جينا الكافي دا بس هو كان مافي جاني فضول اعرف أنو هو وين مشيت لي الولد البحاسب قلت ليو في واحد كان شغال هنا لابس كده وصفتو ليه في البدايه م عرفو بس كان لابس ساعه بنفسجيّة دي الحاجه الخلتني وادتني ضوء لمن وصفت ليو بالساعه قال لي معمر قلت ليو وين هو. _قال لي والله امو عندها عمليه بس أكتفيت ب أنو شلته رقمو تاني انا بقيت محتاره في نفسي ليه اناا اعمل دا كلو جاتني الجراءه دي من وين وحاصل لي شنو ي ربي المهم تاني بعد الفتره من الزمن جينا الكافي كان قاعد بس بقيت ابتسم براي م عارفه انا مالي صحباتي لم احتارو فيني بس قلت ليهم مف شئ برضو بس بقيت اعاين ليه هو ركز فيني إني بعاين ليه أنا اتحرجت هنا بعد فتره فتحت الواتس رقمو ظهر لي انو خاشي واتس فتحت الدردشه ساعه ي الله ارسل ليو ولا م ارسل بس رسلت _السلام عليكم م كان خاشي بعد يوم كده جاني رد لرسالة المهم اتراسلنا منو وريتو أنو اناا شلت رقمو من محاسب هو وراني عنو قال لي ان شاءالله خير. _بس قلت ليو حبيت اتواصل معاك فعلاً عرفنى بيو بقينا ندردش وبديت احبو بس م صارحتو في مره بليل ابوي تعب جاو هبوط في السكر اتصلت لي ولد عمي م برد علي بس جا في بالي معمر اتصلت ليو اناا ببكي فعلاً وصفت ليو البيت جاء ورفع أبوي مشينا المستشفى من هنا من تصرفو دا كبر في رآسي بعد كم يوم كان بتراسل _قلت ليو معمر أنا بحبك ❤ قال لي كيف قلت ليو عديل كده 😂 من اول مره جيت الكافي وشفتك أنت دخلت راسي. قال لي أنا ذاتي حبيتك بس نحنا م مناسبين لي بعض 😥. اناا وضعي بسيط انا م ح اقدر اقدم ليك يلي انتي عايزو. قلت ليو انا م عايزه يلي أنت بتقولو دا انا غيرك م عايزه بالبسيط بعيش معاك قال لي بتقدي تعيشى في بيت أقل من بيتكم دا قلت ليو ايوه بعيش قال لي يمكن انا م ح اوفر ليك الرفاهيه الانتي عايشها دي بس بحاول اديك بقدر م يكون قلت ليو مهم اكون معاك وقال لي خير فعلاً اتقدم وعقدنا عملت عرس بسيط اكتفيت إني اطلع بالتوب بس من غير تفاصيل أي صاله لا مكياج عند خبيرة تجميل ولا لبسه فستان والحمدلله الله بارك في زواجنا وربنا فتحها عليه الحمدلله عايشين في احسن حال فعلاً بعد كل صبر فرج ولله البسيط في اي #دنيا🌸