في زول قال عايزني وانا اصلا م مقتنعه بيهو ولا داخل في رأسي ولا مزاجي أمي بتقنع فيني انو راجل وزول محترم واخلاق ماشاء الله قلت والله لو شنو وشنو م عايزه.... يومي يرسل لي ارح نتقابل نتفاهم ارح نتقابل نتفاهم آخر مره وافقت اقابلو عشان م يتحرج واتحلا منو بالكلمه الطيبه والكلام الطيب..... لبستا عبايتي السوداء ومعاها طرحه سودا وسفنجه اب حمامتين ديك وكعكاتي في محلها والله فازلين ده ما عملتو في جسمي 😂😂😂 أمور زول م داير زول المهم اتصلت عليهو قلت ليهو انا طالعه الاقيك وين ؟قال لي اقيفي جنب الظلط بس أنا سايق بجيك.....أنا لمن قلبي نزل وعيوني رخرخو واي ي زهره استهترتي بي الولد هسي طلع سايق واي ي ربي بكون عندو توسان ولا لانسر 😂😂😂كف كف مشيت غيرت لبس العزاء ده غيرتا بعبايه ملونة ولميت شعري كعكه وحدي وعملت مرطب جسمي شددت م ناشف لامن بعمل كشت كشت زي الطشت لمن تجرو في سراميك 😂😂😂مشيت شلت مناديل ورق ويلا كتحتا الظلط منتظره يجي صحبك اتصل قال لي وين انتي قلت ليهو جنب الظلط قام أشر لي بيدو أنا قربت تجيني جلطه 😂😂😂😂سايق عجله موتر 😂😂😂لابس جلابيه بي اسبورت وساعه ولابس فريم قدر صحن العصيده 😂😂 جيت سلمت قال لي ارح اركبي قلت ليهو جنيت ولا شنو 😂؟انا م بركب عجلات ومواتر بمشي بالمواصلات وانت الحقني....اصر إلا أركب قال لي خلاص المحل قريب من هنا م نمش بعيد ركبتا ومشينا 😂😂عاملين في الشارع زي دع_اش إرها_بيين بس 😂😂😂 ماشين واكشف لصلعتو بي ورا وعندو كرش خلي ساي 😂😂😂😂 اب جلافيط 😂😂.... وصلنا المطعم نفسنا قايم قعاد م قعدنا قال لي ارح اطلبي قلت ليهو اختار انت قال م بعرف وعامل فيها خجلان وووو قربتا بي اشكالنا دي اقول ليهو ارح نطلب كمونيه وجقاجق 😂😂😂 مشيت قعدتا قلت ليهو اختار انت صحبكم اختار وجاء قعد شويه كده وجابو الأكل اتخيلو طلب اقاشي وعصير كركدي 😂😂😂😂😂ي اصلي أنا جايه من معسكر ولا شنو ؟ 😂😂😂صحبك ولا قال لي اكلي ولا اتنين تلاته مسك الفطيره حقتو لب لب لب جضمها وشفط الكركدي حقو 😂😂بعد شبع قال لي اكلي قلت ليهو م باكل اقاشي وانا كنت في العربي من كانون لي كانون 😂😂😂المهم ولا كضب استلم حشوتي ورب رب هضما وبدا يتونس معاي والحياه ايزي وانا ريقي ناشف 🤣🤣🤣🤣طلع منديل بشكير من جيبو مسح بي خشمو ومررو علي وشو ومررو علي كدارينو ويلا كلو طبيعي جدا 😂😂😂 بدا يحكي عن انو نتزوج وووووو قلت لي عشان م اعشمك ساي أنا م دايراك وانا اثناء م بنتكلم كده تلفونو اتصل قال ليها البامبرز متين انتهي ي زوله بنهره كده أنا القروش دي م لاقيها مجان قفل الخط قلت ليهو مالك قال لي المره ياخ المره نقناقه ياخ 😭💔 قربتا انصدم متزوج كمان ؟قال لي اي وعندي بيبي ولدو بكون ليهو شهرين ولا اكتر م عارف 😂😂هنا عقلي قال لي شيلي شنطتك وبلي فحطي ي زهره بي نمره كلو 😂😂😂😂 قلت ليهو عاين نبقي اخوان ف الله والعفو والعافيه أنا ماشه البيت اتأخرت قال لي عرفتي أنا متزوج غيرتي نظرتك مالك 😂😂 ي ابني طير مني أنا في عز شبابي بحلم اعيش عيشه كارينا كابور وكده تقول لي ضره مالي ومال وجع القلب والراس 😂😂😂 قلت ليهو أنا م بحب الشراكه ولا بحب اتزوج راجل مره الله يرزقك الشريكه الصح وانا كمان وارح انا ماشه.... طلعنا حلف قال لي م بتمشي جيعانه صحبي ببيع عصير منقه هنا إلا تجربي مشينا لصحبو قال لي انزلي قلت ليهو سفري اتخيلو جاب لي السفري في اكياس كيلو ورجع دخلو في شوال سكر خمسه كيلو فاضي 😂😂😂😂 كأنو جايين للزراعه بس كتمتها في حناني سكتا ساي وقف جنب بتاع محل أشتري أكل وجا قال لي هاكي جبتا ليكي جدادايه 😂😂😂جداديه ؟ جداد جداد ي زوله م تتفلهمي قلتا ليهو كويس ارح ماسكه شوالي وهو جلابيتو نافخه الهواء تقول اسبيدر مان ومفحطين 😂😂😂شويه كده الموتر وقف قال لي م عارفو مالو اتعطل ولا شنو 😂😂 قلت ليهو بسسسسسسس قبلك هدي المواصلات اسهل لي واسهل ليك نزلتا وكشحتا منو 😂😂😂😂.... وصلت البيت قال لي كم كانت جوله جميله ي اختي اتمني إن تتعاد في قلبي والله كان جاتني في الحلم نكفت روحي عشان نصحي 😂😂😂😂..... المهم ضربتا جدادايتي هسي وعصير المنقه طلع مخمر وحامض وحيلي انهدا من مشي الحمامات 😂😂😂😂😂 بقلم ✍️ زهراء الفاتح ادم ♦️ اعمل متابعة للقناه ليصلك كل جديد