واحدة قالت راجلي في الحمام اتصل ليهو رقم ما مسجل ولمن شفتو حسيت كانو انا بعرف الرقم دا وفعلا طلع الرقم حق صحبتي ساكنه جنبنا وبعد راجلي طلع الشغل وحكايه الظهر مشيت ليها اشرب معاها الجنبه وهي مشت المطبخ قالت لي بظبط لينا احلي جبنه وحظي الحلو خلت تلفونها جنبي في الشاحن وانا عارفه انو قافله التلفون بتاريخ ميلادها وفعلا فتح معي دخلت الواتس لقيت راجلي متفق معاها علي الزواج فتره امشي لامي للولاده ولمن اجي راجعه يختوني قدام الامر الواقع😭 اصلا انا عندي 3 بنات وقربت علي الولاده والتشخيص طلع بنت وراجلي عاوز ولد 😔 ولا كذبت طوالي رسلت ليهو بتلفونها يا حبيبي انا اقنعت امي وقالت لي لو هو جادي خلي يرسل ليك قروش الشيله والحاجات اليوم ولو ما رسلها ما يمسك بينا زمن ساي ورسلت ليهو رقم حساب وحدي بعرفها وفعلا راجلي رد وقال : اطمني انا جادي وبحبك وهسي القروش بتصلك وفعلا رسل القروش 3 مليار وبعد ضمنت انو القروش اتحولت طوالي مسحت الرسايل الرسلتها وقفلت التلفون المهم صحبتي جابت القهوه وشربنا واتونسنا ورجعت البيت واتصلت للبنت الحولو القروش عندها وقلت ليها حولو لي قروش في حساب خليها امانه عندك حاليا وراجلي اصلا مرطب بس ببخل علي 🥹 رجع راجلي من الشغل ولقاني براجع لبنتي قلت ليهو عاوزه تلفونك ادخل بيهو قوقل عندي مسأله دايره اتاكد منها قال لي دقيقه بس شكلو مسح الرسايل حقت صحبتي ومسح الرقم من الواتس وفعلا لمن دخلت الواتس لقيتو مسحهم يلا بليل وهو راقد وانا عامله فيها نايمه فتح تلفونو وقدرت اعرف الرمز والصباح مشي الشغل وغير العاده جا راجع البيت بدري وصاري وشو 🌚 اها خليتو دخل الحمام مشيت فتحت الواتس حقو لقيت الشكله مدوره مع صحبتي قال ليها اها جهزتي الشنطه قالت ليهو اجهزها ليك بكليتي يعني 😂 قال ليها القروش ما كفتك يعني 😂 قال ليهو قروش التنشيط حق النت قصدك 😂 وقام ليك انفعل فيها قال ليها 3 مليار نت انت مجنونه ولا شنو 😂 قالت انت المجنون انت 3 مليار حقت شنو 😂 وانا بقرا متكيفه اها قال ليها مش رسلتي لي وقلتي امك قالت لو انا جادي يرسلو القروش عشان تشترو الشنطه والحاجات ورسلتها ليكم في حساب فلانه لو ما مسحت الدرشه كان رسلت ليك الاسكرين😂 قالت ياود الناس شكلك بتاع لعب ساي وغلطانه انا الحبيت لي راجل مره و انا ماقلت ليك رسل حاجه ولا بعرف البنت الرسلت ليها دي منو 😂 ♦️ اعمل متابعة للقناه ليصلك كل جديد