إيه اللي يخليك تشك في حالة aortic dissection؟ لما يجيلك مريض يقولك: ـ جالي ألم صدري مفاجئ وشديد زي السكينة" 🔪 ـ عندهم تاريخ مرضي مع ضغط عالى. ـ النبض سريع (اكتر من 120) والضغط منخفض (90/30) وخلى بالك من حتة أن الضغط منخفض دى اوى لأنها اللى بتفرقها عن حالة MI. ـ الألم مش بيتحسن حتى بعد ما ياخدو نيتروجليسرين ودى بردو من الحاجات اللى تخليك تشك أنها aortic dissection. ساعتها لازم يبقى في بالك أن ده مش جلطة قلبية عادية! الفرق بين الجلطة و aortic dissection: 1️⃣ الجلطة (MI): - الألم بيبدأ تدريجي - بيتحسن شوية مع النيتروجلسرين - الضغط غالبا مش بيكون منخفض جدا. 2️⃣ حالة ال aortic dissection: - الألم بيجي فجأة وشديد جدا - مش بيتأثر بالنيتروجلسرين خالص. - الضغط بينزل جامد والنبض بيزيد. إزاي تتأكد؟ 🔹 افحص النبض في الدراعين لو في فرق يبقى تشك ف dissection. 🔹 اهم فحص يتعمل للعيان ده هو اشعه مقطعيه بالصبغه على الصدر CTA. خلى بالك!! ❌ متديش العيان ده اى مسيلات دم (مثل heparin) قبل ما تتأكد! إيه اللي يخلي المريض دا أكثر عرضة للمشكلة؟ - الضغط العالي المهمل. - أمراض الأوعية الدموية. - لو حد كبير فى السن الخلاصة: "ألم صدر مفاجئ + ضغط منخفض + نيتروجلسرين مش نافع = Dissection لحد يثبت العكس"