*في طريق السعي، نرضى ونجتهد* السلام عليكم ورحمة الله وبركاته، خاصنا نكونو عارفين فحياتنا أن مسئوليتنا في الحياة هي المحاولة والسعي، أما النتائج والتوفيق هادشي يختصُّ به الله سبحانه، يعني حنا كانتحاسبو فقط على السعي وماشي أي سعي بل الإحسان في السعي، كايخصنا نجتاهدو ونركزو قد ماقدرنا ومنين نخدمو شي حاجة نعطيوها جهدنا كامل ونخدموها بجد ماشي نديروها وصاف، لازم يكون عندنا يقين تام ان عطاءه او منعه لِحكمة يعلمها الله وهذا مايسمى بالرضا، وأكيد ربي كايجازينا على الرضا بقدره. خليك ديما ف السّعي طمّاع وبالنتائج راضي، يعني جرّب واجتهد وطيح ونوض واطرق كل باب، لأنك ببساطة ماغاتعرفش فأي باب ربي غايوفقك. اكثر واحد فينا كاياخد بالأسباب هو لي كايكون مقتنع وراضي بشكل مسبق أن ربي غادي يوفقو فحاجات وحاجات أخرى لا ولهذا نتا كاتتوكل على الله وكاتخدم وتكافح وتجرّب وربي كاييسر ليك فلي فيها خير ليك ولي صالحة ليك. نهارُكم سعي وإن أحسنتُم السعي نهارُكم سعيد 🌹. _Y. Alaoui_