*⚪|| محمد صبري :* الزمالك محتاج كام صفقة يا كابتن عشان يكون فريق متكامل وقوي السنة الجاية؟ عبدالحليم على : فرقة كاملة. محمد صبري: بس فيه بعض المراكز مش محتاجة يا كابتن زي الباك شمال..! عبدالحليم علي: لا يا كابتن، نادي الزمالك بقاله تلت سنين مش بيشارك في بطولة إفريقيا يبقى إزاي مش محتاج، لازم نجيب فرقة كاملة من لاعيبة أساسية قوية وبدلاء على نفس المستوى وتكون على قدر طموح النادي وعندها انتماء متجيبش لاعيبة معندهاش انتماء لأن الإنتماء مع الشغل والمجهود هيعملوا إنجازات كبيرة لكن تجيب لاعب معندوش انتماء حتى لو ١٠٠٪ لاعب عالي مش هيكون عنده روح وحمية نادي الزمالك. محمد صبري: طب رأيك إيه في الآراء اللي بتقول إننا متأخرين مع إن الإدارة بتتريث وبتصبر عشان تجيب أفضل الصفقات ولسه فيه وقت..؟ عبدالحليم علي: إحنا معندناش رفاهية الوقت يا كابتن، المفروض كنا نشتغل من الموسم اللي عدي علي تدعيم الفرقة، ومنستناش لحد دلوقتي. الكابتن عبدالحليم على في مداخلة هاتفية عبر قناة الزمالك . 𝐂𝐔𝐑𝐕𝐀 𝐒𝐔𝐃🏹🇦🇹