🔘☀️ﷺﷺﷺ☀️🔘 *سرِ سخا کے ہیں زر تاجِ زین ذوالنورین* *دلِ عروسِ حیا کے ہیں چین ذوالنورین* *سوا تمہارے ملی کس کو زوجیت ایسی* *نبی نے بخشے ہیں دو نور عین ذوالنورین* *ہزار بغض رکھیں اہلِ رفض ، کیا حاصل* *مُحِب تمہارے حسن اور حسین ذوالنورین* *فروغِ دین کی خاطر تمہارا وہ انفاق* *رہے گا سارے زمانے پہ دین ذوالنورین* *تمہیں کہا ہے نبی نے رفیقِ خلد اپنا* *تمہاری ذات ہے بے عیب و شین ذوالنورین* *محبتِ شہ خوباں میں غرق تھے دونوں* *تمہاری زیست کے دن ہوں کہ رین ذوالنورین* *ہو کشتِ دل پہ ہمارے بھی بارشِ فیضاں* *عطا و جُود کے اے ابر و غین ! ذوالنورین* *بروزِ جمعہ ہمیشہ تھا آپ کا دستور* *ضرور کرتے تھے آزاد ، قین ذوالنورین* *جمالِ رخ میں ہے کچھ ایسی دلکشی سیفی* *کہ بار بار اٹھیں جن پہ نین ذوالنورین* سید شاکر حسین سیفی صدر شعبۂِ افتاء دارالعلوم محبوب سبحانی ممبئی۔۔۔۔۔۔ انڈیا ١٧/ذوالحجۃ/١٤٤٦...14/6/2025