رسالة من زوجة لزوجها الذي تحتاج منه أن يُعيد النظر في الطريقة التي يتعامل بها معها. (أنا بكتبلك الرسالة دي عشان نفسي أقولك حاجة من قلبي… أنا عارفة إنك بتحبني وبتعبر عن حبك بطريقتك، يمكن مش بالكلام، بس بالأفعال… وده على راسي من فوق، وبقدّره جدًا. بس ساعات لما بتسكت معايا، وتكون كلامك أكتر مع الناس، بحس إني مفتقداك، حتى وإنت قدامي. مش زعلانة منك، بس بحنّ للكلام معاك، للفضفضة، للكلمة الحلوة اللي بيننا. أنا مش بطلب حاجات كبيرة، ولا محتاجة كلام كتير، بس نفسي تحكيلي، تشاركني، تخليني أحس إني دايمًا قريبة من قلبك وعقلك. أنا مقدّرة طيبتك وسخاءك في كل حاجة، حتى في سكوتك اللي ساعات بيقول حاجات كتير… بس برضه الكلمة ليها طعمها. أنا بحبك، وبحب وجودك في حياتي، وبحلم إننا نفضل سوا، على الحلوة والمرة، ونقرب من بعض أكتر يوم بعد يوم. زوجتك♥) محمد سعد الأزهري #الأسرة_أمن_وأمان https://t.me/usraaman