Tipaimukh MLA-in Parvachawm (manipur) - Daido (Mizoram) lampui a siem mêk Parvachawm, June 20, 2025: Pu Ngursanglur Sanate, Tipaimukh MLA chun Hmarram le Sinlung Hills insir pawna Parvachawm-Daido inkar motor inlawn theina ding lampui chu sukpuitling ngei tumin ngawrtakin sin a thaw mêk. Parvachawm khawtlang chun tlawmngaia inthawk suokin nitin an ṭhangpui a. Hming zieka inruot baka mi tlawmngai inthawk suokin khawtlang huopa sin hi thaw zing a nih. Lampui hi lungkêlha a lo inphûmrûk nasa leiin JCB khawmin nuom angin a nawr thei naw a. Nawr veng ngei tumin bomb le inthuoa beipuithlâk a nih. Tuta lampui siema um mêk hi Parvachawm mipui fâk le dâwn lâkna lampui pakhat a nia. Mizoram sung Daido-Vawngkawt hi kum 2014 hma deia kha motor inlawn theia Mizoram sawrkarin a siem an tah. Motor hmanga insir paw thei huna Parvachawm el chau ni loin Hmarram ta dinga hmasawnna ni bawk a tih.