أنا أحمد علي محمد الأمين، صاحب الـ 19 ربيعاً، من سكان ولاية الخرطوم، وموجود حالياً في شندي. امتحنت شهادة سودانية دفعة 2023 وحققت نسبة 81%، ودرست في مدرسة الشيخ مصطفى الأمين. 🎓 حاصل على شهادة كورس تمريض وإسعافات أولية 🩺 خريج من معسكرات العزة والكرامة، وحائز على شهادة مستنفر من الفرقة الثالثة مشاة - شندي 🎖️ قصتي مع كيان بدأت مع الامتحانات التجريبية، كنت مراقب سير الامتحانات لحد ما اكتملت على أكمل وجه ✅، ومن هناك انضممت لأعضاء المنصة. لقِيت منهم قبول ودعم كبيرين، ودخلت جو المنصة بسرعة ⚡️. الأعضاء هنا ناس واعية ونشيطة وبتقدم عملها بجودة عالية 💪. حالياً أنا المدير التنفيذي لمكتب المتابعة والتقييم في الأسبوع الثقافي للمنصة 📝، ودي تجربة بتعلمني كل يوم جديد وأتطور فيها أكثر 🌱. رسالتي ليكم في النهاية: في المرحلة دي، خلي ثقتك في نفسك هي السلاح الحقيقي 💪✨. ما تخلي التوتر أو الخوف يخلوا بالك مشغول، لأنو العقل الهادي هو البساعدك تركز وتجيب أحسن نتيجة 🎯. كل التعب اللي عملتو ما راح هدر، النجاح قدامك لو متمسك بالعزيمة وواصلت الاجتهاد 🔥. نظم وقتك بين المذاكرة والراحة، وما تضغط على نفسك زيادة، عشان تركيزك يكون دايمًا عالي 👌🧠. خليك متفائل دايمًا وفكر في حلمك الكبير 🌟، خلوه دافع ليك تخطو خطوات ثابتة. النتائج دي مرحلة بتعدي، ما بتحدد قيمتك ولا مستقبلك، المهم تستمر وتكون دايمًا قدها 🚀. وفي النهاية، خلي إيمانك بنفسك كبير، وامشي بخطى واثقة وأطلب من ربنا يفتح ليك كل أبواب الخير والنجاح 🤲🌿.