*Thadou nam miten hetdinga thilkhoh ho* 1. Thadou hi kuki ahipoi kiti hi Pu Michael Lamjathang Haokip pohdoh ahipoi. Hiche Lamkai masa hon ana chepiu chu kichepi ahi. 2. TSA-1957, TNC-1984 a Lamkai masaho tohban chu kitong ahi. 3. Thadou hi kuki ahitai kiti kihoulhahna leh kilolna tuni chan a um nailou ahi. Um jong umtheilou ahi. 4. Thadou hi Mizo nambah khat ahina hi 1996 Kum a TTC Lamkai Pu Jimmy Jamkhomang Haokip, Pu Henkholen Sitlhou, Pu Paosei Kipgen tehon Mizo National Organization aphudoh uva chu avella suhdetna kinei kit ahi. 5. TSA jong 1995 akon a MZP affiliated body khat ahi. 6. Manipur boina hung kipat a chu Thadou Inpi, TSA hon imacha aseilou ahi. *Zo United* akisemdoh in pankhomna ding ahileh tia thipbeh a um ahi. 7. Hinla kuki Lamkai hon Delhi a 2023 in meeting anei uvin, Geljang Resort a 1 week meeting aneikit uvin, Shillong summit atiuvin Assembly abol uvin, aguh a kilolna asem u *Kuki-Zo Council* chu ahin semdoh taove. Zo United Lamkai Mizoram ho koma permission athum uvin, permission ngah joulouvin KZC asemdoh taove. Zo United faction asem jou uva kon a TSA in natoh ahin pat ahi. 8. Manipur political issue hi asung langa kon a kive a kihechen mama jeng ahi. Kuki hon KZC min in faction semda leu Thadou ho jong natoh kipan ponte. Kipumkhatna sukeh chu kuki ho ahi. 9. Ipi jeh a KZC asem uchu koiman ahailou ahitai. Hiche jeh a Thadou Lamkai masa hon ana chepiu Thadou chu kuki ahipoi atiu chu lhangphong tah a Lamkai masa hon aseingam lou chu, Khangthah Lamkai Thadou distinct identity ngailu *Tilchang, jangchang leh lungchang nei* Thadou hon hangsan tah a kiseidoh a kiphongdoh ahi. 10. *Thadou hi kuki ahipoi kiti hi Kuki dehna ahipon Thadou Nam miten ihilouna joh kisei ahi.* 11. *Thadou nam chu govt in Thadou Tribe a record abol banga kichepi ahi. Hiche hi legally and constitutionally valid leh correct ahi. Koima dehna leh douna ahipon Thadou distinct identity huhbitna ding ahi.*