#من_شب 😂😂 مبارح وانا ورايح لادرز الشحاطة في زلمة ومرتو عم يمشو قدامي وإذ مابسمع غير المرا صرخت وقعدت بالأرض.. طلعت حامل واجا موعد ولادتا الزلمة قال شباب حدا يساعدنا..رحت انا دغري فتت عالمحل اللي حدي وقلتلو معلم ع السريع بدي مي سخنة ومنشفة راح صرخ فيني الزلمة وقلي ولك وقفلي سيارة اطلبلي إسعاف شو مفكرني ام زكي لتجبلي مي سخنة ! رحت اعتذرت من صاحب المكتبة بس ما رد ضل واقف بمحلو ماسك نظارتو ومبحلق فيني.. رجعت لعندن كان في واحد موقفلن تكسي..اجا الزلمة عم يشيل مرتو رحت مسكتو من ورا وقلتلو ع مهلك شوي شوي راح صرخ فيني وقلي ولك مرتي اللي عم تولد مو انا ..تركني وروح امسكا معي من اللبكة دعست ع اجر مرتو وصرخت صوت اخو اختو..كانت بولادة صارت بولادة وكسر بس ما حدا انتبه غيري الحمدلله فكروها عم تصرخ من انو بدا تولد.. بس انا حسيت بشي نكسر تحتي وشلناها ونحنا عم ندخلا بالتكسي ضربتلا راسا بسقف الباب..واجا الزلمة ركب من قدام قمت سكرتلو الباب ع ايدو..بس الف الحمدلله مشي الشوفير دغري قبل ماينزل الزلمة ويولدني... انشالله تقومو بالسلامة يارب.. بس انا نسيت الشحاطة معكن بالتكسي ياريت تخيطوها وبس تفضو ترجعولي اياها 😁💚.