**Tim Kuk Apple-ın “Nokia”nın taleyini yaşamasının qarşısını ala biləcəkmi? ** 📰The Economist (https://www.economist.com/business/2025/06/08/can-tim-cook-stop-apple-going-the-same-way-as-nokia) yazır. 🧐 Bir il əvvəl “Apple Intelligence”in təqdimatı böyük səs-küy və səhmlərin artımı ilə müşayiət olunsa da, indi şirkət süni intellekt sahəsində geri qalmaqda, #siri-nin yenilənməsini dayandırmaqda və Çinlə olan gərginlik, App Store və Google ilə gəlir əməkdaşlığına təzyiqlər səbəbilə tənqid olunur. 📉 Apple-ın səhmləri ilin əvvəlindən bəri demək olar ki, 20% ucuzlaşıb. Analitiklər Tim Kuku artıq “General Electric”in sabiq CEO-su Cek Uelç ilə müqayisə edirlər – yüksək gəlirlərə baxmayaraq, şirkətin strukturu zəif ola bilər. “Meta”, “Google” və “OpenAI” süni intellekt cihazlarına sərmayə yatırdığı halda, Apple uğursuz “Vision Pro”ya bel bağlayır. Çıxış yolu kimi üçüncü tərəf Süni İntellekt modellərinə açılmaq və məxfilik siyasətinə yenidən baxmaq təklif olunur, lakin Tim Kukun belə kəskin addım atması ehtimalı azdır. ❗️Ən ciddi risklər: – Google-un iPhone-da əsas axtarış motoru olaraq qalması üçün ödədiyi illik 20 milyard dollarlıq vəsaitin məhkəmə qərarı ilə itirilməsi; – AB və ABŞ-da “App Store” gəlirlərinə (ildə $31 milyard) qarşı tənzimləyici zərbələr. 📱 Əgər Kuk AI strategiyasını və Apple-ın qapalı ekosistem arxitekturasını yenidən nəzərdən keçirsə, bu, şirkəti “Nokia” və GE-nin aqibətindən xilas edə bilər.