👷‍♂️👷‍♂️ كيفاش تسوميسيوني على واحد المارشِي ديال البني؟ – Soumission et préparation d’offre أول حاجة خاص المقاول يعرفها هي أنو باش تدخل فمشروع قانوني ومنظم، خاصك تمر من مسطرة ديال appel d’offres، يعني طلب العروض. هادي الطريقة اللي كيتعامل بها صاحب المشروع (le maître d’ouvrage)، سواء كان عمومي ولا خاص، باش يختار المقاول الأنسب من حيث الجودة والثمن. شنو كيكون فـ Dossier d’Appel d’Offres (DAO) ؟ الملف ديال طلب العروض غالباً كيحتوي على: Le règlement de consultation (RC): فيه الشروط والكيفيات اللي خاصك تحترم. Le Cahier des Prescriptions Spéciales (CPS): كيعطيك المواصفات التقنية ديال الأشغال. Le Bordereau des Prix (BPU): جدول فيه les postes وكتعمر فيه الأثمنة. Le Détail Estimatif: فيه الكميات estimées لكل poste. Les plans techniques: باش تفهم شكل وحجم المشروع. La soumission type: ورقة رسمية كتكتب فيها الثمن الإجمالي ديالك، الآجال، وتوقيعك. كيفاش تجهّز العرض ديالك؟ تحليل دقيق للمحتوى التقني والإداري. واش عندك القدرة اللوجيستيكية تخدم فهاد الشروط؟ واش الثمن المتوقع ممكن يغطّي التكاليف ويخلّيك تربح؟ إعداد العرض المالي (offre financière): كتعمر le BPU بالأثمنة ديالك poste par poste. كتحسب le montant total فـ la soumission. إعداد العرض التقني (offre technique): كتهضر على l’expérience ديالك، l’équipe، matériel، méthode d’exécution… بعض المشاريع كيطلبو حتى planning prévisionnel أو note méthodologique. نصائح عملية باش تكون عرضك قوي: ما تغامرش بثمن ناقص بزاف، راك تقدر تربح المارشِي ولكن تخسر فالتنفيذ. دير حساب جميع les charges: matériaux, main d'œuvre, matériel, frais généraux, bénéfice. دير vérification نهائية للوثائق، وخدم العرض بشكل منظم وواضح. آخر خطوة: الإيداع ديال العرض كتدوز لمرحلة dépôt du pli: إلكتروني فـ plateformes publiques (مثلاً: maroc marché public). ولا يدوي فـ الإدارة المعنية. وخا كتكون المنافسة قوية، العرض اللي كيكون مدروس ومهني هو اللي كيشد الاهتمام. السوميسيون ماشي غير ورقة كتسالي بيها، ولكن هي المدخل ديالك لمشروع فيه فرص ومخاطر. أخطاء شائعة خاصك تتفاداها فمرحلة السوميسيون: ما كتقراش مزيان الوثائق ديال DAO بزاف ديال الناس كيهزو les documents وكيخدمو مباشرة، بلا ما يفهمو جميع الشروط والتفاصيل. وهنا كتكون البداية ديال المشاكل. التركيز غير على الثمن كاينين مقاولين كيدخلو بثمن ناقص بزاف باش يربحو المارشِي، ولكن منين كيبدا الشانطي، كيلقاو راسهم غارقين فالخسائر. أخطاء فـ BPU ولا soumission كيكونو أخطاء حسابية ولا تناقضات بين الثمن المفصل والثمن الإجمالي، وهاد الشي يقدر يخلي العرض ديالك يتقصى مباشرة. عدم احترام الصيغة والوثائق المطلوبة كل إدارة كتعطيك نموذج ديال soumission ولا وثائق خاصة بها، وخاصك تحترم داك النموذج بحذافيره، ولا غادي تخرج من المنافسة تقنياً. ما كتقدّمش Offre technique واضحة حيث بعض المشاريع كتطلب عرض تقني مفصل، وهادشي هو اللي كيعطيك نقط فـ évaluation. إلا كان العرض ناقص أو غامض، حتى الثمن الزوين ما كينفعكش. الإيداع فآخر لحظة كاينين اللي كيسناو حتى آخر ساعة باش يدفعو، وكيبقاو معرضين لأي مشكل (نسيان وثيقة، تأخّر، problème technique فـ plateforme…). السوميسيون خاصها تكون واجدة قبل الوقت بوقت كافٍ. الخلاصة: السوميسيون ماشي مسألة ديال حظ، ولكن مسألة ديال تخطيط، دراسة، وتقديم احترافي. كل تفصيل مهم، وكل كلمة كتكتبها كتعبّر على المستوى ديالك كمقاول محترف.