👷‍♂️👷‍♂️👷‍♂️النقطة 3 : Préparation du chantier – كيفاش تهيّأ راسك قبل ما تبدا لخدمة؟ منين كتشد attribution définitive وكتكون غادي توقّع العقد (marché)، ما خاصكش تدخل مباشرة فالشّانطي بلا تحضير. التحضير الجيد هو السر ديال بداية ناجحة، وكيجنّبك المشاكل اللي كتوقع فوسط الأشغال. 1. توقيع العقد – Signature du marché قبل ما تبدا فـ أي خطوة، خاصك: توقّع العقد مع maître d’ouvrage (صاحب المشروع)، تجيب caution définitive (ضمانة بنكية)، تأمّن على الشانطي (assurance chantier), وتكون وضعيتك القانونية مزيانة: CNSS، الضرائب، Attestations à jour. هادي كلها وثائق ضرورية باش تمكّن تبدا الأشغال قانونياً. 2. réunion de lancement – أول اجتماع رسمي قبل الخدمة كاينين مشاريع كيديرو réunion de démarrage، اللي كتجمع المقاول، صاحب المشروع، مكتب الدراسات (BET)، مكتب المراقبة (bureau de contrôle)، وممكن حتى ممثل السلطة. فهاد الاجتماع كتحدّدو: تاريخ البداية الرسمي الآجال طريقة التواصل شكون المسؤول على شنو 📌 نصيحة: وجّد ملاحظاتك، وخد محضر ديال الاجتماع (PV)، حيث هاد الوثيقة كتحميك مستقبلاً. 3. دراسة ميدانية للموقع – Reconnaissance du terrain قبل ما تدخل الآليات واليد العاملة، خاصك دير زيارة ميدانية للموقع: واش الأرض خالية ومهيأة؟ واش كاينين صعوبات فالولوج؟ (مسالك، طين، ميكة، ...). كاين شي مشاكل مع الجيران ولا شي بنايات قريبة؟ واش كاين الماء، الضوء، ولا خاصك تجيبهم مؤقتاً؟ هنا كتحضّر installation de chantier: Baraque de chantier Clôture Panneaux obligatoires Stockage matériaux Sécurité chantier 4. Planning تفصيلي – Organisation du travail هادي نقطة مهمة بزاف: خاصك تحضّر واحد planning prévisionnel دقيق، يبين: مراحل الخدمة (terrassement, fondations, élévation, …) المدة الزمنية لكل مرحلة الموارد البشرية والمادية المطلوبة ⏱ واش ضروري؟ آه، حيث planning كيساعدك: تحافظ على الآجال تتبع التقدم ديال الأشغال تعرف فاش واقف كل أسبوع 5. Commande ديال الموارد – Approvisionnement ماشي حتى تبدا كتقلب على béton, fer, briques, sable… كلشي خاصو يكون مبرمج: دير طلبات عروض للموردين ديالك (fournisseurs) قارَن بين les prix, qualité et délais وجد فواتير proforma دير plan de livraison حسب planning 📌 نصيحة مهمة: خزن غير الكميات الضرورية، باش ما تغامرش فـ perte ولا vol. 6. L’équipe اللي غادي تخدم معاك واش عندك maçons, chefs d’équipe, manœuvres, conducteur de travaux؟ خاص تكون محدد المهام والمسؤوليات. إلا كنت خدام مع sous-traitants، دير معاهم عقود واضحة. 👈 الخلاصة: بزاف ديال المقاولين كيتسرّعو وكيبداو الأشغال بلا تحضير، وكيطيحو فمشاكل من النهار الأول. اللي باغي يخدم بطريقة احترافية، خاصو يتهيّأ من كل جهة: قانونياً، تنظيمياً، ولوجيستيكياً. #génie civil