"کار بە سورەت قەید ناکرێت" راگەیاندن و پەیوەندیەکانی پاسپۆرتی سلێمانی ئاگاداری سەرجەم ئەو هاوڵاتیانە دەکاتەوە کە لە دەرەوەی عێراق و هەرێمی کوردستان نیشتەجێن، بۆ دەرکردن و نوێکردنەوەی پاسپۆرت بە هیچ جۆرێک کار بە "سورەت قەیدی ئەلیکترۆنی" ناکرێت چونکە بە بڕیاری وەزارەتی ناوخۆی حکومەتی فیدڕاڵی راگیراوە. دەشڵێت، تەنیا بە کارتی نیشتمانی دەتوانن مامەڵەکانیان رایی بکەن و لە کاتی گەڕانەوەشیان بۆ هەرێم پێویستە مۆڵەتی 30 رۆژ وەرگرن لەبەرئەوەی تەواو بوونی کارتی نیشتیمانی (20 بۆ 30) رۆژی پێدەچێت.