أسئلة عن الملف ■هل الملف شامل جميييع أسئلة الوزارة ؟ لأ ■هل المكثف شامل جميييع أسئلة الكتاب ؟ لأ مهو اذا بدك جميع أسئلة الكتاب حل الكتاب شو الداعي للملف 🙂 الملف الهدف منه نتخطى التكرار بالأسئلة تبع الكتاب ونهتم بشمولية الأفكار ■هل كافي أحل الملف وبضمن ال ٢٠٠ ؟ مافي شي بضمن ال ٢٠٠ هي أسباب بتتكاتف مع بعضها البعض والملف سبب من هاي الأسباب أنت ما شاء الله الك سنة وأكثر بتدرس و هو أفضل شيء ينعمل كوقت وجهد ضمن ليالي الامتحانات ■نحله شلفقة ؟ ولا حل كافل ورقة وقلم ؟ طبعا حل كامل عشان تعود ايدك على الحل ويكون عندك قابلية بالامتحان وما تزهق وتتأفف من الحلول وقتها وطبعا بنحل معكم بالورقة والقلم وبشكل نموذجي وكامل ضمن اليومين ونص ■طيب أنا حدا سريع ونفرض جدلا حليته بنص يوم 🙂 ؟ شو أعمل ليلة الامتحان الي بتسبقه مباشرة ما لازم تسهر فيها بل بالعكس كل ما نمت بدري ونمت وشبعت نوم كل ما كان تقديمك أفضل بالامتحان بالتالي لو خلصته بشكل فعلا سريع للغاية وحبيت تحل شيء اضافي خليك ضمن نطاق شغلتين أسئلة سنوات أخر أربع دورات + أسئلة الوحدة وطبعا الرد على الاسئلة حتكون الاولوية فيه للأسئلة من ضمن الملف عشان الوقت ضيق علينا ولازم نمشي مع الطلاب بالشيء المهم والي لازم يلتزموا فيه وهو الملف .... ■طيب بدي بعد ما أخلص الملف ادرس مادة ثانية ؟ ممنوع 🚫 حبيت تدرس بالنص يوم اشي عادي أما اليومين السابقات للامتحان لأ لازم تركيزك فقط بالمادة الي بدك تقدمها والأفضل نخلي اليومين ونص فقط للرياضيات حتى ما ننعجق ■طيب بدل الملف أدرس المكثف ؟ المكثف طويل وما رح تلحقه اذا كنت طالب معيد ومعك للمادة أكثر من يومين ونص وانت اصلا مش حاضر المكثف وقتها تواصل معنا حسب وقتك بننصحك أما طالب نظامي ٢٠٠٧ او معيد ومعك فقط يومين ونص بس التزم بالملفات قولا واحدا ■ هل ضروري احضر جميع الفيديوهات ؟ لأ هي مساندة للحلول الكتابية في حال شفت نفسك مش متمكن من سؤال ما شوف الفيديو ■عادي اعطي الملف لصاحبي ؟ عادي متاح للجميع بس الاسئلة عن الملف ... حصرا لطلابنا فقط ■صح لو حليت الكتاب أفضل ؟ كونه الوزارة بتعتمد عليه وهو المهم ؟ نحنا برضو بكتابة الملف معتمدين على أفكار الكتاب فلا تقلق وتضيع وقتك بالكتاب