يعني ايه جلطة ؟؟ - الجلطة عبارة عن شوية دم خرجوا برا الاوعية الدموية بيتجلطوا دي لو جلطة خارجية - لو جلطة داخلية بقي بتبقي عبارة عن انسداد الشريان او الوريد نتيجة ضيق او تصلب ف نتيجة كدة الدم بيتجمع في المكان ده وبيتجلط - والجلطة دي ممكن تكون في اي حتة في الجسم في المخ في الاطراف في القلب الخ.... - هنتكلم بقي بالاخص عن جلطة علي القلب 🫀 - عندنا في القلب شرايين بتغذي القلب اسمها الشرايين التاجية ( مهو مش معقول القلب يوزع الدم لكل الجسم وهو ميبقاش ليه نصيب من الدم ده ) 👀 - بيحصل ايه بقي الشريان بيحصل في انسداد جزئي بسبب تراكم الكوليسترول او تصلب الشرايين ف بيحص ان عضلة القلب مش بتتغذي كويس ف بيحصل الم ونهجان وصعوبة تنفس و الحالة دي بقي اسمها ( الذبحة الصدرية ) تمام ! - للعلم ده اكثر في الرجال عن النساء 👀 - طيب افرض الشريان ده اتسد خالص ايه اللي يحصل هيحصل جلطة في الجزء ده وعضلة القلب هتضرر لان مفيش تغذية واصلة وهيحصل نفس الاعراض بس اشد ولازم المريض يتحجز في العناية المركزة - طب ايه العوامل اللي تسبب كدة - التدخين - السمنة - السن - ارتفاع ضغط الدم - السكر - عوامل وراثية - تصلب الشرايين - عادات صحية غير سليمة - ده كله ممكن يسبب جلطة طيب مريض جي كدة هياخد مذيب للجلطة علي طول وهيتحط علي اكسجين حسب اوامر الطبيب وهنبدا بقي نعمله نظام صحي ونعالج السبب زي ايه يامس - واحد جي بسمنة نعالج السمنة - السكر مش مظبوط نظبته - الضغط عالي نعدله - وهكذا بقي نعالج السبب وهياخد ادوية حسب اوامر الطبيب وبس كدة اتمني لكم التوفيق🫶🏻