محدش حياته خالية من صعوبات، ومفيش صعب بيستمر للأبد، ومش هتحس بطعم العوض غير لما تدوق قبله مرارة الخذلان.. فيه جملة بتقول: الأشياء تُدرك بأضدادها.. يعني مش هتعرف قيمة الشيء الكويس إلا لما تشوف عكسه الأول.. قبل ما توصل هتضيع، وقبل ما تطمئن هتخاف، وقبل ما تقف هتقع، وقبل ما تتجبر هتتكسر، وقبل ما تتأكد هتشك.. إنك تتكسر النهاردة، مش معناه إنك مش هتتبني بكرة بشكل أقوى وأجمل!.. في لحظة الوجع مش شرط نفهم ليه حصل اللي حصل، بس غالبًا بعدين هنشكر ربنا إنه حصل.