في أيام الخير دي ولحد يوم عرفة بإذن الله الكل هيكون مشغول بالدعاء لنفسه، ولأحواله، وللي حواليه.. بس من فضلكم ماتنسوش تدعوا للي غابوا عن الدنيا وأصبحوا لا يملكوا من أمرهم شيء.. ربنا يرحم كل شخص طيب عزيز غاب بس مكانه ومكانته في القلب زى ما هما.. ربنا يديم سيرتهم الحلوة وسطنا، ويقدرنا نكون امتدادهم الطيب، ويجعلهم فخورين بينا من مكانهم في الجنة.. ربنا يرحم كل اللي غابوا عن العيون بس غلاوتهم فضلت، واللي كراسيهم فضيت بس ريحتهم لسه فيها، واللي صوتهم اختفى بس صداه لسه في القلب.