د بهرنیو چارو سرپرست وزیر، امیرخان متقي، ویلي چي د ریاست‌الوزرا د پرېکړې له مخې، افغانستان د ایرانی حاجیانو لپاره د یوه میاشتې ویزې معافیت ورکړی دی. نوموړي ویلي چي د هرات سیمه‌ییزو ادارو ته هدایت ورکړل شوی تر څو د ایرانی حاجیانو د بېرته ستنیدو لپاره اسانتیاوي برابرې کړي او هغوی په خوندي ډول ایران ته انتقال کړي. د راپورونو له مخې، د ایران پر فضایي حریم د بندیزونو له امله، ایرانی حاجیان تر اوسه په سعودي عربستان کي پاتې دي.