انتو عارفين انو الحروب الحاصلة دي ممكن تكون بداية النهاية؟!🤔 تعالو احكو ليكم في حديث قالو النبي صلى الله عليه وسلم قبل أكثر من ١٤٠٠ سنه عن الحجات الحاصلة حاليا واللي ح تحصل ! تخيّلي نفسك قاعدة تتفرجي في الأخبار… انفجارات في غزة، صواريخ بين إيران وإسرائيل، أمريكا داخلة، روسيا بتتفرج، الغرب كلّو متوتر، والمسلمين عايشين بين نارين: نار الجهل الداخلي… ونار العدو الخارجي. ووسط الضجيج دا كلو النبي ﷺ حكى لينا قبل ١٤٠٠ سنة عن فترة حتجي… فترة غريبة ومهيبة… قال النبي ﷺ:[ ستصالحون الروم صلحًا آمنًا، فتغزون أنتم وهم عدوًا من ورائهم، فتُسلَمون وتَغنمون ]. — رواه أحمد وأبو داود، وصححه الألباني. يعني شنو الكلام دا؟ حيجي يوم، المسلمين بيتصالحوا مع "الروم" والروم هنا هم الغرب المسيحي ( زي أوروبا/أمريكا اليوم). بيكون في عدو مشترك بيهدد الطرفين، اللي هم المسلمين والروم العدو دا ممكن يكون قوة شرقية خطيرة، أو نظام فوضوي عالمي. بيجتمع المسلمين والروم سوا، ويحاربوا العدو دا. والمفاجأة؟ المعركة دي بيكسبوها سوا! ويغنموا… ويعيشوا لحظات نصر. لكن القصة م ح تنتهي هنا… الفتنة الحقيقية حتبدأ بعد دا🔥! الروم بعدها حيشوفوا نفسهم أقوى من المسلمين، وحيغدروا بيهم… وأثناء لحظة النصر واحد منهم يرفع صليب في وسط جيش المسلمين، ويقول: "النصر لينا ما ليكم!" بعدها المسلمين حيغضبوا … وحتنقلب المعركة بين الطرفين! وحتبدأ أعظم ملحمة في تاريخ البشرية! اسمها في السُنة: [ الملحمة الكبرى ] زي غزوة بدر… لكن بالحجم العالمي! تعالو نشوف حتحصل وين؟ في أرض اسمها دابق أو الأعماق (شمال سوريا حالياً)، والمنطقة دي الحروب فيها مولّعة من سنين زي ما شايفين الحاصل في سوريا ! يمكن تكون هي بدايات التحضيرات للاحداث اللي حتجي بعديها. وتعالو ابشركم 🙈. المسلمين ح ينتصروا في النهاية، لكن بتضحيات عظيمة وخسائر في الارواح في سبيل الله …🤍. وبعدها الأحداث حتبدأ تمشي بسرعة: حيظهر المهدي ويقود الأمة في أصعب لحظاتها وح تحصل الملحمه الكبرى بعدين بيكون فتح القسطنطينية ثم يظهر الدجال وبعدين حينزل عيسى عليه السلام ويقتل الدجال. ولو ربطوا الأحداث الحاصلة مع بعضها ح تعرفوا الحاصل زي مثلاً : الغرب اليوم في حالة تحالفات وتحفزات أمنية ضخمة (ناتو - أوروبا - أمريكا). في عدو واضح بيهدد الجميع: الصراعات النووية، الجماعات المتطرفة، التغيرات العالمية. حرب إيران وإسرائيل ممكن تكون شرارة مواجهة كبرى تشعل كل الأطراف. كل دا بيخلينا نحس إن الحديث دا ما خيال… دا واقع بيتشكل قدام عيونا! فهل نحنا جاهزين عشان نقابل ربنا لو حصل اي شي !؟ فارجعوا لله وحسنوا أعمالكم وتوبوا إلى الله توبة نصوووووحه واسأل الله ان يتقبل منا ومنكم صالح الأعمال في البوست الجاي ح اتكلم ليكم عن ظهور المهدي المنتظر بإذن الله 🤍. #عــائــشــة_حــمــيــدة