⊰ 『 من هو المهدي المُنتظر ؟ 』 ⊱ زي ما وعدتكم امس اني ح اتكلم ليكم عنو يلا بسم الله نبدأ 🤍👇. في البوست الفات ذكرت ليكم انو ح تحصل معركة اسمها[ الملحمة الكبرى ] يلا تعالو ندخل في تفاصيل اكتر قائد المعركة دي المهدي المُنتظر زي ما قلت ليكم قبل يظهر الدنيا ح تكون مليانة فتن والكل بيدور على قائد مُنقذ، على بصيص أمل! وفي اللحظة دي يظهر رجل ما مشهور ما معروف في البداية. لكنه من نسل النبي ﷺ! اسمو {محمد بن عبد الله} ايوه زي اسم النبي تماماً ما تستغربوا👀. من آل البيت، من نسل فاطمة الزهراء رضي الله عنها. كما قال النبي ﷺ : «المهدي منّي، أجلى الجبهة، أقنى الأنف، يملأ الأرض قسطًا وعدلًا كما مُلئت جورًا وظلمًا» — رواه أبو داود وصححه الألباني. يعني حيكون شاب شكله مهيب، واضح في وجهو النور، وما بيقبل الظلم، وهمو يرجّع العدل اللي اختفى من العالم. طيب المهدي دا حيظهر كيف؟ ما ح يطلع فجأة ويقول "أنا المهدي!" زي الناس اللي بيظهروا اليوم ويدّعوا إنهم المهدي المنتظر! لا لا أبداً… بل بالعكس، حيكون رافض للفكرة… ومستخبي في مكة. لحدي ما يحصل موقف رهيب في مكة. ناس كتار من الصالحين، والتابعين الحق، بيعرفوه من العلامات… ويمشوا ليهو وهو ماشي بين الناس، ويبايعوه عند الكعبة يُبايع وهو كاره لذلك… كما ورد عن النبي ﷺ"، أو "يُبايع عن غير رغبة منه لأنو ما بيسعى للمنصب، لكن الناس تجتمع عليه لما يشوفوا العلامات." النبي ﷺ قال🤍: «يُبايع لرجل بين الركن والمقام…» — رواه أحمد وأبو داود. يعني البيعة بتحصل بين الركن (الحجر الأسود) والمقام (مقام إبراهيم). مكان عظيم، وفي زمن مليان اضطرابات ومشاكل وحروب .. وبعدها؟ حتبدأ رحلتو: يواجه حملات من أعداء كُثر. ربنا ينصره نصر بعد نصر. وتبدأ الأمة ترجع ليه. الناس حتتجمع تحت رايته وح يقود المسلمين للملحمة الكبرى (اللي حكينا عنها في البوست الفات). وبعد النصر في الملحمة، يُفتح على يديه القسطنطينية من جديد (وهي اليوم تُعرف بمدينة إسطنبول) بجيش بيكبر بالإيمان أكتر من العدد 🤍. وقبل ما فرحتهم تتم ح يطلع أخطر مخلوق في تاريخ البشرية: [ المسيح الدجّال ] 👀🔥. لكن دي قصة تانية… خطيييرة ومخيفة! وح احكيها ليكم في البوست الجاي بإذن الله 🤍. وفي نقطة مهمه جداً ما قلتها ليكم في حديث النبي ﷺ: «يكون اختلاف عند موت خليفة، فيخرج رجل من أهل المدينة إلى مكة...» يعني قبل يظهر المهدي حيكون في موت حاكم، وبعدو حتحصل فوضى، ودا بيكون تمهيد لظهور المهدي، وبعدها تتابع العلامات الكبرى . المهم هسي يا حلوين! الزمن دا ما ساهل، وكل العلامات قاعدة تحصل قدامنا. فحافظوا على صلاتكم، اكثروا من الذكر، واستغفروا ربكم والتوبة التوبة التوبة . في البوست الجاي نحكي عن الدجال بإذن الله… خليكم قراب 🤍 . #عــائــشــة_حــمــيــدة #سلسلة_نهاية_الزمان #ظهور_المهدي_المنتظر