السلام عليكم ورحمة الله وبركاته 🤍. في موضوع الصلاة مف خيار غير إننا نلتزم بيها لانو الصلاة ما مجرد عبادة بتأديها وخلاص… هي الموعد الثابت بينك وبين ربك، هي الصلة اللي بتربطنا برنبا سبحانه وتعالى واول ما نسأل عنه يوم القيامه .. لكن للأسف… كم مرة أخّرت صلاتك؟ كم مرة ضيّعتها بحجّة الانشغال؟ كم مرة سمعت الأذان وقلت: "ح اقوم اصلي شوية" وما صليت؟! ﴿ وَأَقِمِ الصَّلَاةَ لِذِكْرِي ﴾. واتخيّل يوم القيامة تقيف أمام ربنا سبحانه وتعالى وتُسأل: "عبدي، ماذا صنعت في صلاتك؟" حتقول شنو؟! كنت مشغولة في الدنيا؟ كنت بتقطع مع أصحابك؟ كنت في السوق؟ كنت في الحفلة؟ نسيتها؟! حقيقي وقتها كل الأعذار ح تكون واهية وما ليها معنى وما ح يفضل غير الحقيقة المُجرّدة: [ كنت مُفرطًا ]. فراجِع نفسك، راجع قلبك. وراجع صلاتك ما دام لسه في نفس داخل صدرك، فباب التوبة لسه مفتوح. تُب إلى الله، استغفر. ابدأ من جديد وأثبت. وأهم نقطة ح اتكلم فيها دور الآباء في الصلاة ربنا سبحانه وتعالى قال في سورة طه 🤍. (وَأمُر أَهلَكَ بِالصَّلاةِ وَاصطَبِر عَلَيها لا نَسأَلُكَ رِزقًا نَحنُ نَرزُقُكَ وَالعاقِبَةُ لِلتَّقوى) بنجد كتير من الآباء همهم الأول والأخير انهم يقروا أولادهم احسن قراية وياكلوهم احسن اكل ويلبسوهم احسن شي .. لكن نسوا الأهم نسوا الصلاة؟! تذكّروا دايمًا إن التربية ما بس أكل ولبس وتعليم! في مسؤولية أعظم وأغلى… تربية القلب على طاعة الله، وعلى رأسها الصلاة. يعني ما تكلمهم مرة وتمشي… بل تواصل، تصبر، تكرر حتى لو تعبوا أو تكاسلوا، إنت قدوتهم صبرك عليهم عبادة. الصلاة ما بتنفرض بالعصا، لكن بتُزرع بالحب، وبالمثال الحي لما يشوفك ولدك تقوم للصلاة بلا تأخير ح يقلدك والمرة البعديها ح يطلب انو يمشي معاك الصلاة . لما بنتك تشوفك بتصحي بدري بتصلي الفريضة وتقعدي تدعي وتقراي قرآن ح تعمل زيك. لما تحكي ليهم عن عظمة الوقوف بين يدي الله… ح يشعروا بقيمتها. ازرعوا الصلاة في بيوتكم، كما تزرعون الحب والطمأنينة. فما نفع الطعام بلا هُدى؟ وما قيمة النجاح بلا صلاة؟ رد السلام ب ³⁰ حسنة 🤍🎀. #عــائــِشّــة_حـِـمــيـّـدة