بوست عن تنظيم الوقت و تقسيم يومك 💗✨ مع انّو ما بحب احكي ابداً عن تنظيم وقت لأيّ حدا تاني ، و لكن بسبب الاسئلة المتكررة عن هاد الموضوع ف بسم الله نبدأ 💗 : بدايةً ، اذا انتَ طالب مخلص اخد منهاجك و قاعد طول اليوم بالبيت و ما عندك انشغالات تانية غير الدراسة ، ف الخطة كالتالي : اربط أوقات دراستك ب اوقات صلاتك ، و طريقة فعالة جداً و مجربة أيضاً ! 💗 ما رح قلك فيق من ال 4 و من هالكلام ، فيق ع الوقت يلي بتصلي فيه صلاة الفجر ، صلي ، و اقرأ صفحتين او حتى صفحة من القرآن لا اكثر ولا اقل ، و بعدها بلش دراسة كلها تركيز و رواق مع كاسة شاي على كيف كيفك 😂💗 دروس ساعتين تلاتة ، يلي بتحسن عليه .. و بعدها خود استراحات حسب راحتك و حاجتك .. هيك ل صلاة الظهر ، نفس الطريقة و بعدها اذا حابب تاخد قيلولة خود شغلة ساعة مو اكتر .. و كفي يومك ع نفس الطريقة ، بتجي ل اخر النهار ، اذا كنت دارس بعد كل صلاة فقط ساعتين رح تلاقي حالك دارس 10 ساعات ! متخيل ! انتَ دارس و عايش حياتك طبيعي و بتاخد استراحات و بريكات و حتى اذا بدك فيك تطلع مشوار و يلي بدك اياه ! و بمعدل 10 ساعات دراسة 🔥 هاد غير اذا فعلت وضعية الطالب المزنوق و زدتهن شوية ف بصير عدد ساعات دراستك خطير 🔥 الطريقة حلوة جداً و قمة ب الراحة النفسية و انتَ عم تطبقها والله 💗 و بالنسبة ل يلي ما خلص المنهاج اخد و لسا عم تاخد ، ما تفكر انو ما عاد تلحق ، بالعكس ، لسا الانقطاع الحقيقي ما بلش ، ف ما تخاف ابداً فيك تطبق هي الطريقة و لكن بتوقع مارح تزبط ع اغلب اليوم بحكم الدروس و الوقت يلي بضيع فيها .. و لان وقتك مو ملكك حالياً 💗 و موفقين جداً جداً و ربي يهون عليكن باقي هالرحلة هيّ ، و تكونوا جميعاً من المجبورين ب اذن الله 💗💗