الامتحانات و التوقعات... قبل بيوم المسا من امتحان الفرنسي الدورة الماضية كنت جامع رفقاتي ع مجموعة الواتس راجعلن القواعد وهيك... حتى خلصنا وصار وقت النوم ..🫠 قال شو بتتوقع يجينا؟ قلتلن: "انتو دارسين كلشي يعني ما رح تعتمدو شو بحكي،مع ذلك اسمعو مني: 🔺️النص الوحدة 5.....اذا مو 5 اكيد 3 اجانا من الوحدة 6🫠 🔺️ترتيب الحوار ما بدو حكي..اكيد الوحدة 6 رح اجانا من الوحدة الاولى 🫠 🔺️الموضوع الوحدة 2....اذا مو التاني معناها الرابع اجانا بالامتحان الرابع تاني يوم طلعت من قاعة الامتحان، بسمعن عم يقولو "رامي توقعلنا مبارح صححح" لك هدو يا شباب وين الصح؟🤡 توقعت النص و الحوار غلط🫠 يلي نجح هو الموضوع ...وحتى ما اول احتمال يلي نجح...نجح التاني😅 هيك صار اسمي توقعت صح؟ ▪️بدي قلك انو هيك الطلاب دائما بتسمع الاستاذ الفلاني بجيب توقعات بتنجح و بتجبلك علامات تامة ومدري شو بكون متوقع ٢٠ شغلة ١٩ شغلة ما اجا منها ..و شغلة اجا منها🤡 بصير اسمو ملك التوقعات و الطلاب بتسمعلو......عجبك هالحكي؟ الزبدة انو بهي الفترة رح تسمع توقعات كتير كتير كتير كل واحد بيعملك جلسة توقعات "بالأخص قبل الامتحانات بكم يوم" بقلك الجلسة الملكية وما بعرف شو وهيك بتزيد نسبة الرسوب بين الطلاب ⬆️⬆️ ليش؟ لانو سمعو توقعات او تسريبات 🔸️ دير بالك تكون ضحية هالكلام الفاضي ....ولا بقا تسألوني شو اهم وحدة هي السنة🫠 لانو يلي رح يكتب الأسئلة اسا ما بيعرف....اهتم بكتابك من الجلدة للجلدة و التزم بدراستك موفقين جدا♥️