*📝📗 അൽ ഹസനാത്ത്* 1️⃣1️⃣8️⃣9️⃣ *മുശാവറ..!* വിശ്വാസികൾ പരസ്പരം കൂടിയാലോചന നടത്തുന്നതും സ്വയം തീരുമാനമെടുക്കുന്നതിന് പകരം മറ്റുള്ളവരുടെ അഭിപ്രായങ്ങൾ കേട്ടതിന് ശേഷം ഗുണമുള്ള തീരുമാനം കൈകൊള്ളുകയാണ് വേണ്ടത്. കൂടിയാലോചനയെ വിശുദ്ധ ഖുർആൻ പ്രോത്സാഹിപ്പിച്ചിട്ടുണ്ട്. സ്വഹാബികളോട് നബിﷺ കൂടിയാലോചിക്കുന്നതിനെ കുറിച്ച് അബൂഹുറൈറ(റ) പറഞ്ഞത്, ഇത്രയേറെ മുശാവറ ചെയ്യുന്ന മറ്റൊരാളെ ഞങ്ങൾ കണ്ടിട്ടില്ല എന്നാണ്. ഞാൻ എല്ലാ കാര്യത്തിനും തികഞ്ഞവനാണ് എന്ന അഹന്ത ഹൃദയത്തിലുള്ളവർക്ക് കൂടിയാലോചനയും മറ്റുള്ളവരുടെ അഭിപ്രായങ്ങളും ഇഷ്ടമാകില്ല. ബദ്റിലേക്ക് പുറപ്പെട്ട നബിﷺയും സ്വഹാബത്തും വഴിയിൽ ഒരിടത്ത് ക്യാമ്പ് ചെയ്യാൻ തീരുമാനിച്ചപ്പോൾ ഹുബാബ് ഇബ്നുൽ മുൻദിർ(റ) ഇടപെട്ടതും ഇതിനേക്കാൾ നല്ലത് മറ്റൊരു സ്ഥലം പറഞ്ഞ്, അവിടെ ക്യാമ്പ് ചെയ്യലാണെന്ന് പറഞ്ഞതും നബിﷺ ഹുബാബ്(റ)വിൻ്റെ അഭിപ്രായത്തെ സ്വീകരിച്ചതും ചരിത്രമാണ്. ഒരു വിശ്വാസിക്ക് മറ്റുള്ള വിശ്വാസികളെ അംഗീകരിക്കാന്‍ കഴിയണം. മറ്റുള്ളവരെ അംഗീകരിക്കുന്നതിലും മാനിക്കുന്നതിലുമുള്ള പ്രയാസവും അഹന്തയുമാണ് കൂടിയാലോചന നടത്തുന്നതിൽ പലപ്പോഴും തടസ്സമായി നില്‍ക്കുന്നത്. ഹൃദയത്തിൽ അഹന്തയുള്ളവന്‍ സ്വര്‍ഗത്തില്‍ പ്രവേശിക്കുകയില്ലെന്ന് പറഞ്ഞ നബി ﷺ അഹന്തയെ വിശദീകരിക്കുന്നത് ഇപ്രകാരണ്. الْكِبْرُ بَطَرُ الْحَقِّ وَغَمْطُ النَّاسِ അഹങ്കാരം എന്നാൽ സത്യത്തോട് മതിപ്പില്ലാതിരിക്കലും മറ്റുള്ളവരെ ചെറുതാക്കലുമാണ്. (മുസ്‌ലിം) സ്രഷ്ടാവായ റബ്ബില്‍ നിന്ന് വഹ്‌യ് ലഭിച്ചുകൊണ്ടിരിക്കുന്ന നബി ﷺ തങ്ങളോടു പോലും കാര്യങ്ങളില്‍ മറ്റുള്ളവരുമായി മുശാവറ നടത്തുവാന്‍ കല്‍പിക്കപ്പെടുമ്പോള്‍, കേവലം സാധാരണക്കാരായ നേതാക്കളും, ഭാരവാഹികളും ഉത്തരവാദിത്തമേറ്റെടുത്തവരുമൊക്കെ അവരുടെ കീഴിലുള്ളവരുമായും അല്ലാത്തവരുമായും കൂടിയാലോചന നടത്തുന്നതിന്‍റെ ആവശ്യകത എത്രത്തോളമായിരിക്കുമെന്ന് ഊഹിക്കാവുന്നതാണ്. 🕌⏰ നിസ്കാര സമയം 📒🖊️ അറിവുകൾ എല്ലാ ദിവസവും നിങ്ങളുടെ ഫോണിൽ വരും _ദുആ വസ്വിയ്യത്തോടെ_ *_ഹസൻ സഖാഫി പൂക്കോട്ടൂർ_* *_9744669988_* 💠==================💠 *Join WhatsApp* *https://whatsapp.com/channel/0029VaCyEJwAojZ0IHd0vX2g* 🔷•••••••┈┈•✿❁✿•┈┈•••••••🔷