س/ ينفع البنات تتدرب سباحة أو كارتيه مع مدرب راجل بالذات لو مافيش مدربة بنت ؟ ** ج/ - طبعًا لو البنت بلغت وبقت في سن التكليف فده حراااام وما ينفعش خالص حتى لو كان بلوغ البنت في سن صغير وجسمها صغير ..ماينفعش برضو مع العلم إن لبس السباحة اللي البنات بيلبسوه والتدريب مع مدرب راجل بيضيع حياء البنت حتى لو صغيرة وبنات كتيير اتعرضوا للتحرش من المدرب ده بيحصل فعلا حتى لو ماوصلكيش - صحيح الرياضة جميلة بس لازم تكون بضوابط الشرع فلبس الرياضة ده مايكونش قدام الشباب ولا التدريب يكون في وجود شباب - وصحيح الرياضة هي جزء من شخصية الانسان اللي مطلوب من كل ام واب يربوه لكن فيه جزء أهم ربنا هيسألنا عليه هو دين ولادنا وازاي حافظنا عليهم بعيد عن الفتن واني أخلي بنت في السن ده تتدرب مع شاب ده فتنة كبيرة لبنتك اللي ربنا استأمنك عليها في الحديث : "ما مِنْ عبدٍ يسترْعيه اللهُ رعيَّةً ، يموتُ يومَ يموتُ ، وهوَ غاشٌّ لرعِيَّتِهِ ، إلَّا حرّمَ اللهُ عليْهِ الجنَّةَ" وبقول لكل بنت .... انتي غالية وجسمك غالي لو هتروحي جيم أو سباحة أو أي حاجة..... مكانك في وسط بنات وبس لأنك غالية. ♥