🔴 ترامب من شوية وافق على خطة قصف منشأة فوردو النووية الإيرانية.. بس لسه ماداش الأمر النهائي بالتنفيذ.. 1️⃣ حسب شبكة ABC الأمريكية نقلًا عن مصدر مطلع داخل البيت الأبيض، فالهجمة دي غالبًا هتتم باستعمال اكتر من ضربة وليس ضربة جوية واحدة.. وهتشارك فيها أكتر من طيارة من نوع B-2 Spirit، اللي بالفعل أمريكا بعتت منهم 6 طيارات موجودين دلوقتي في قاعدة دييجو جارسيا في المحيط الهندي قريب من سواحل إيران.. 2️⃣ وحسب صحيفة Axios الأمريكية، ف ترامب أثناء اجتماعه مع مساعديه في غرفة العمليات من شوية استشارهم بشأن إمكانية تنفيذ الهجمة، وقالوله انها ممكنة التنفيذ فعلًا على كذا مرة.. وده اللي دفعه يوافق رسميًا على الخطة، وكل اللي ناقص دلوقتي هو التصديق على القرار وإصدار الأمر بالضرب... 🟢 في هذه الأثناء، وعلى الناحية التانية، إيران دلوقتي بتقصف اسرائيل بموجة جديدة من الصواريخ الباليستية، واستعملت فيها لأول مرة صاروخ "سجيل" فرط الصوتي اللي كلمتك عنه من يومين، واللي انت شايفه في الصورة ده 👇 الصاروخ ده يعتبر من أقوى الصواريخ الباليستية في العالم، وقوته التدميرية ضخمة جدًا، لدرجة ان إذاعة الجيش الإسرائيلي من شوية نقلت تصريحات عن مسؤول أمني اسرائيلي بتقول ان "الصاروخ الإيراني الأخير كان استثنائيا من حيث النوع والوزن وكمية متفجراته"، والمصدر تحت في الكومنتات.. 🔵 حتى نتنياهو نفسه اعترف انهم حاليًا بيتلقوا خسائر كبيرة وموجعة، وإيران حاليًا سيطرت على السماء الاسرائيلية واستنزفت القبة الحديدية، ومبقاش في حاجة قادرة توقف الصواريخ الإيرانية.. وكل ده وهي لسه مستعملتش أسلحتها التقيلة.. كل ده إيران بتستعمل أسلوب ترشيد استهلاك الذخيرة، ومخزنة الأقوى من اسلحتها لدول الخليج، اللي حذرتها رسميًا من شوية انها هتستهدفها لو أمريكا اتدخلت في الحرب، وهتقصف القواعد الأمريكية في المنطقة كلها وهتقلبها جحيم حقيقي وغير مسبوق... والأسوأ، بوتين من شوية قال ان روسيا زودت إيران بمعدات عسكرية ومذكرش بالضبط هي أيه المعدات العسكرية دي... 🟣 التصعيد للأسف بيزيد والوضع مش مطمئن، ومفيش أي اتفاق أو هدنة بتدور ما بين الأطراف من أي نوع، برغم ان إيران بالفعل تواصلت مع أمريكا وطلبت التفاوض، لكن نتنياهو هو اللي رافض وعايز الحرب تستمر عشان يدفع أمريكا للتدخل وإشعال شرارة المنطقة بالكامل... والسبب أيه؟! 🟡 اسرائيل بتخطط لحرب وجودية كبرى، ذات أبعاد توراتية Biblical... وكل اللي هما بيعملوه دلوقتي ده هما عايزينه يحصل وبيخططوله بقالهم كتير، وحتى موجود ذكره في كتبهم المقدسة في ما يسمونه بنبوءات حزقيال.. ودي يمكن أول مرة أحكي فيها عن الموضوع ده وهبقى أكلمك عنه في بوست تاني لإنه كبير وواسع شوية ومش كل الناس عارفاه ولا عارفة انه له علاقة وثيقة باللي بيحصل حاليًا.. ⚫️ بس المهم دلوقتي ان شرارة المنطقة على وشك انها تتفجر فعليًا لو مفيش حد اتدخل وخد موقف حاسم عشان ينهي الجنون ده... حد يهدد باستعمال نووي أو بأي حاجة تمثل رادع حقيقي للمجانين اللي تخطوا كل الحدود الحمراء والقوانين والأعراف الدولية... 🔹️ وأخيرًا عايز أقولك حاجة.. آخر مرة حد استهدف قواعد عسكرية امريكية وسفن حربية في البحر وضربها ودمرها كان اليابان في الحرب العالمية الثانية.. وكلنا عارفين حصل فيها أيه بعدها.. 🔴 ربنا يستر.. وأدينا متابعين الوضع، وكالعادة هسيبلك المصادر كلها في الكومنتات عشان تبقى Updated معايا، ومتنساش تعمل شير وتعرف غيرك. #علام