> أخوي سيروه الليلة يا مولاي خطوة عديلة❤️ مساء مليان بالسعادة.. صحيت لأول مرة وانا مقتنعة إنو صباح أحلى من دة مستحيل يجي، ما الليلة حنة سيد الرجال..حنة أخوي اللي من سنين ونحنا بنرسم لليوم دة، دي أول خطوة في وفاء وعدو لست البنات فاللهم بارك الخطاوي بالوصول، حرفيًا دة الفرح البفرحو ليهُ من القلب، للحظة حسيت إنو الدنيا ما قادرة تسع فرحتي. تجهيزاتنا من أمس وجوطة البيت وتوثيق اللحظات وتصوير الداخل والطالع، دي تفاصيل ما هتجي أحلى منها ولا زيها، لمة أصحابو، لمة العيلة والجيران، الاغاني والرقيص، دي هي اللي صنعت يومنا، فرحتو واحنا بنعمل الحنة كانت بتقول"خلاص هانت" ويا جمال الفرحة لما تكون عشان أخوي، مبسوطة جدًا لدرجة بكتب النص وانا ما عارفة بكتب في شنو من فرحتي، وانا بحنن يدو وشايفة الإبتسامة في وشو أقدر أجزم بإنو"سيرة سيد الرجال الليلة سارت"، لمة أصحابو وتفاصيل الحنة دي أجمل من جميلة والله..ديل أجمل وأحلى 6 ساعات مروا عليا في حياتي، فرح الإخوان قادر يبهج أسارير قلوبنا..فاللهم يسر الخطاوي❤️ #سعيدة_عكاشة