*#ستدركُ_يومًا💙﴿01﴾* *#بقلم_رمـاز_عـباس* *♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏نيتك الصالحة : هي من تجلب لك الخير ،ضع نية الخير في قلبك، وسيتولى الله أمرك، فعلى قدر النوايا تكون العطايا 🕊. _ يا بت، قومي الشمس طلعت و إنتِ لسة نايمة. = ياخ خليني أنوم أنا نعسانة أمبارح ما نمت. _ في زول قال ليك تساهري، براك سهرتي في الفارغة بدل ما تعملي شي مفيد. = يا دعاء عليك الله خليني، انتِ ما خصاك تمام؟ ياخ كرهتيني اليوم القعدت معاك في الداخلية دي يا بت الناس أختيني ااي زول بتحاسب براه. _ ده كلام شنو يا نبيلة؟ قومي صلي صلاتك. = دعاء قلت ليك خليني ما عاوزة أصلي تعبانة. _ أستغفر الله العظيم، الله يهديك💔. "نامت و خلتها بتتكلم و هي ما عايزة تسمعها ختت المخدة في راسها". دعاء في سرها قالت الله يهديها البت دي، الصلاة هي الصلة بين العبد و ربه، و هي الفرق بين المسلم و الكافر . __________ تاني يوم نبيلة غيّرت الغرفة عشان ما تقعد مع دعاء مع إنهم كانو صحبات و هسي بيقرو في نفس الجامعة بس نبيلة إتغيرت شديد من بعد ما جات الجامعة و صاحبت بنات و أولاد ما كويسين و بقت تعمل زيهم . نبيلة قاعدة في الكافتيريا الجنب الجامعة و معاها شلة أولاد و بتين تانيات.. يصفقو و يضربو يدينهم مع بعض، حاجة مقرفة عديل بالنسبة لي دعاء. جات دعاء مارة جنبهم و قالت السلام عليكم ماف زول رد ليها، واحد من الأولاد قال : دي مالة متخمخمة كده، مستحملة كيف في السخانة دي "وكلهم بقو يضحكوا" .. طوالي قالت ليهم "مستحملة حر الدنيا عشان تقيني من حر جهنم في الآخرة.. مشت قعدت في طاولة براها.. و ديك إتفاجأو من ردها و سكتو و فتحو موضوع تاني و لسة بضحكو و دعاء سامعاهم و سامعة ونستهم الفارغة.. في واحدة من البنات القاعدات مع الشلة دي، ضحكت بصوت عاالي لمن الناس كلهم قبلو عليها، في واحد قاعد في طاولة معاهو صحبو، قبل عليهم و قال : معليش يا جماعة ممكن تخفضو صوتكم شوية؟ صوتكم عالي،كدة ما صح منكم. قالو ليه كويس كويس و إعتذرو ليه و بقوا يقطعوا فيه، كان زول ظاهر عليه متدين.. واحد منهم قال : شوفو لحيته طويلة كيف. التاني قال : هه، عامل فيها شيخ، شوفو حلاقتو، نمرة واحد! دعاء و هي زعلانة عشان نبيلة صحبتها مع الشلة الفاسدة دي : الله يهديها و يهديهم، أن الله يهدي من يشاء.. و مشت عشان المحاضرات. و هم لسة بيضحكو فيها و ع لبسها و بقولو مالة مخمخة نفسها كدة. ____ في جانب آخر _____ _ إنتَ يا عمار هتخلي القرف البتعمل فيه دة متين؟ الحاجة دي مضرة والله، أسمع كلامي و قوم أرح معاي البيت. = يا الله، فارس عليك الله خليني، أنا عايز أمرض إنت مالك بي؟ أشرب ما أشرب ما خصاك تمام. _ أخطى الناس ديل يا عمار إنت ما كنت كدة و أنا صحبك من واجبي إني أحذرك منهم و... = قاطعو عمار و هو بقول : خلاص خلاص ظابط أنا ماشي البيت تمام. _ تمشي وين يا زول إنت سكران هسي، لو أبوك شافك بالحالة دي حيسجوبك، تعال اقعد معاي انا قاعد براي في الشقة، عمار بطل البتعمل فيه دة. = "عمار و هو ما واعي و ما متوازن و بيمشي كيف كيف عشان سكران"يااخ وديني بيت سهيل، ارح وديني هناك. _ داير تمشي محل الفساد بي رجلينك!؟ = ااي بس وديني بيت سهيل حأبيت معاه. (ساق العربية و ساقو لي بيت سهيل، خبطت الباب، فتح ليهو أسامة صاحب سهيل واحد من الشلة الفاسدة دي). أسامة : أوو الشيخ فاارس، اتفضل اتفضل، ولااا شقتنا دي نجسة بالنسبة ليك "و بقى يضحك" = أسامة ما عايز معاك كلام كتير، دة عمار و هو هسي سكران ما جايب خبر الدنيا قال داير يبيت هنا، ما أشوفكم بتدوه من القرف البتشربوه دة. _ أسامة بقى يضحك زي المجانين، سند عمار و ساقو دخلو جوا و خلا فارس برا، متحسر ع صحبو القعد يضيع عمرو في الفارغة. " اتنهد و قال : ربنا يهديه، حأدعي ليه في كُل سجدة.. لازم أمشي بعد كدة لأنو عندي جامعة بكرة... و مشى، ف غرفتو قاعد بيرتل القرآن بي طريقة جميلة و صوتو جميل بيعمل قشعريرة للسامع، و راحة نفسية . قرا شوية قرآن، و إتوضى و رقد و هو بيفكر، عمار دة متين ح يعقل ياارب أهديه و رجعو عمار القديم، عمار ما كان كدة يارب أهديه و وجهو للطريق الصحيح يارب. الوضو قبل النوم، و النوم على شقك الأيمن سنة، للبراء بن عازب رضي الله عنه قال النبي صلى الله عليه وسلم: (( إذا أتيت مضجعك، فتوضأ وضوءك للصلاة، ثم اضطجع على شقك الأيمن )). زي الساعة ٢ كدة قام أتوضى و صلى قيام الليل و دعا كتيير، كان واثق فربنا و عارف انو دعواتو لي عمار بالهداية ح تتحقق و عندو أمل انو عمار حا يرجع زي ما كان و أحسن، قال لي نفسو مستحيل يتخلى عن صحبو لحد ما يرجعو للطريق المستقيم و يبعدو من طريق الولوة دة بعداك رقد نام و صحى بدري لصلاة الصبح، و قرأ قرآن لحد ما الشمس طلعت. *♡◈ـ➷ـ٨ـــ٨ـ➷ـ◈ـ➷ـ٨ـــ٨ـ➷ـ◈♡*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ أن تقوم و تصلي الفجر ويطير النوم من عينيك ذلك خيرًا من أن تطير روحك لخالقها وأنت لم تصلّها، اللهم ثبتنا على أداء صلاة الفجر في وقتها..❤️ صلو ع النبي ﷺ♥️. يــــــــــتـبـع.