*#ستدركُ_يومًا💙﴿02﴾* *#بقلم_رمـاز_عـباس* *♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏ في جانب دعاء، الكانت خايفة على صحبتها و كل يوم بتتكلم معاها في موضوع الصلاة، و صداقاتها دي، بس نبيلة دائما كانت بتصدها و بتسفها كتير و لسة دعاء بتحاول و ما تعبت. في الجامعة اول ما دخلت شافت نبيلة و معاها ولد ظاهر عليهو الأدب و الاحترام، بس بتصرفاتو بتعكس حاجة غيرر كدة، لأنه كان ماسك يدها زي كأنهم متزوجين، عاينت ليها بي حسرة. قررت أني أمشي اسوقها من جنبو و اتكلم معاها على انفراد و فعلا مشيت ليها. _ خير مالك يا المخمخمة. = ليه يا نبيلة تقولي للبت كدة؟ مش دي صحبتك _ صحبتي؟ دي زولة متفلسفة ساي والله، يللا يا عمار نمشي من هنا "مسكتو من يدو و عايزة تمشي، مسكتها و قلت ليها" : يا نبيلة، إنتي و الولد دة أسمعوني كويس، يا أخ، من وضع يده على امرأة لا تحل له بشهوة جاء يوم القيامة و يده مغلولة على عنقه، علاقتكم دي محرمة و هي علاقة غير شرعية، يا أخوي لو عايز البت دي ما تنط ليها بالشباك زي م بقولو... تعال ليها بالباب عديل، مافي داعي للحركات دي و في النهاية كل شي قسمة و نصيب فما تستعجلو، دي علاقات ربنا حرمها عشان بتكسر قلوبنا و ربنا ما داير لينا الأذى، بتحبها؟ أدعي ربنا في سجودك انها تكون من نصيبك، وماف زول يعرف بي حبك ليها الا نفسك، يا نبيلة بداية لا ترضي الله، نهايتها ما حا ترضيك انتي كمان، الحب ما حرام ولا عيب هو الرسول ﷺ كان بحب. العيب هو الحاجات البعملوها تحت مسمى الحب زي "الارتباط" هي ليست علاقات كسر الله بها قلوبكم هي علاقات حرمها الله حفاظاً على قلوبكم من الكسر فأتقوه.. اللهم اني بلغت فأشهد. "بعد كلامها دة، عمار عاين لي نبيلة مسافة، و فك يدها و مشى و قدر ما تناديهو ما بيرد ليها، نبيلة عاينت لي دعاء مسافة و نزلت رأسها تحت و مشت على اتجاه القاعة، دعاء مشت بي وراها لقتها متكلة و قاعدة في ركن و بتبكي و الناس بتعاين ليها، قالت ليها : نبيلة؟ مالك؟ بسم الله على قلبك حتى يهدأ، أحكي في شنو! = بحبو بجد💔 _ نبيلة، بطلي أمسحي دموعك و تعالي معاي. "يبدو إنو كلام دعاء أثر شديد على نبيلة لدرجة انها انفقعت بالبكاء لمن عيونها حمرت، طلعت برا معاها دعاء مشو تجاه شجرة كبير كدة قعدو تحتها و عمار من بعيد ما زح عينو من نبيلة، و هو واقف مع صحبو فارس، الدموع اتجمعت في عيونو غمض عيونو شديد حاول يقاوم و ما ينزل ولا دمعة بس للأسف ما قدر، و أطلق العنان لعيونو الكحلها بي نطراتو لي نبيلة.. و فارس مراقب كل حاجة.. مشى تجاهو و قال ليهو : تعال معاي. _ وين يا فارس؟ = انت بس تعال.. سقت معاي عمار وديتو المسجد بالشدة رغم انو ما كان عايز يمشي و قال لي : انا متضايق واديني ليه! = واديك عشان متضايق، صدقني حا تدخل الجامع، و اول ما تمرق منو صدرك ح ينشرح و حتحس بي راحة نفسية. _ أمم، طيب تمام " و دخلو المسجد أتوضو و صلو تحية المسجد ركعتين و طبعا هي سنة" مسك المصحف أداهو لي عمار فتح ليهو سورة النساء قال ليهو أقرأ بي صوت عشان اسمعك "و عمار بدا يقرأ و صوتو سمح في قراءة القرآن و بيعرف التجويد، و بيعرف يرتل، قرأ لحد ما وصل الآية 25، قال ليهو : حسبك حسبك، طوالي وقف قراية. _ مالك؟ = أقرأ الآية 25 تاني. _ طيب، قال تعالى { *"وَمَنْ لَمْ يَسْتَطِعْ مِنْكُمْ طَوْلًا أَنْ يَنْكِحَ الْمُحْصَنَاتِ الْمُؤْمِنَاتِ فَمِنْ مَا مَلَكَتْ أَيْمَانُكُمْ مِنْ فَتَيَاتِكُمُ الْمُؤْمِنَاتِ ۚ وَاللَّهُ أَعْلَمُ بِإِيمَانِكُمْ ۚ بَعْضُكُمْ مِنْ بَعْضٍ ۚ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ ۚ فَإِذَا أُحْصِنَّ فَإِنْ أَتَيْنَ بِفَاحِشَةٍ فَعَلَيْهِنَّ نِصْفُ مَا عَلَى الْمُحْصَنَاتِ مِنَ الْعَذَابِ ۚ ذَٰلِكَ لِمَنْ خَشِيَ الْعَنَتَ مِنْكُمْ ۚ وَأَنْ تَصْبِرُوا خَيْرٌ لَكُمْ ۗ وَاللَّهُ غَفُورٌ رَحِيمٌ"*} = عارف يعني شنو" ولا متخذات أخذان"؟ _ ما عارف، معناها شنو؟ = قاصد بيها النساء، يعني ولا متخذات أصحاب، أصحاب من الرجال، العلاقة مهما كانت بين الراجل و المرأة بدون زواج دي علاقة غير شرعية و محرمة شرعاً " لا تواعدوهن سراً" عايزها ما توريها هي و تتونس معاها، أمشي أتقدم ليها عديل، في حاجة اسمها قسمة و نصيب ادعي ربنا انها تكون من نصيبك،و لو ما بقت من نصيبك، ف ربنا كاتب ليك الأحسن منها، عوض ربنا جميل، لو شال منكك حاجة بيديك الأفضل.. يا عمار أرجع لي ربك و صلاتك حافظ عليها، لأنها العهد اللي بينا و بين ربنا، الصلاة هي الفرق بين المسلم و الكافر، يا عمار كلامي دة كلو لي مصلحتك! صدقني.. "عمار هز راسو و قام طلع برا المسجد و هو سرحان، و فارس ماشي بي وراهو و بنادي فيهو بس هو ما سامع، وفجأة كدة طاااخ العربية رمت عمار بعييد، إتدردق لحد ما نزل من الزلط و وقع في الأرض غرقان في دمو !💔 *♡◈ـ➷ـ٨ـــ٨ـ➷ـ◈ـ➷ـ٨ـــ٨ـ➷ـ◈♡*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ الله لا يأخذ منك شيء إلا لو كان سيؤذيك، ولا يحرمك من شيء إلا لو كان ذلك الشيء خسارة لك وليس مكسب، ويبتليك لتدرك قيمة ما تمتلكه وليعوضك فيما بعد كل شيء عند الله بميعاد وأسباب وترتيبات، ترتيبات كثيرة كلها تحدث لصالحك فقط"لصالحك".. لا تستعجل شيئًا وستكتشف فيما بعد أن كل ما يحدث لك ليس من فراغ، وليس سوء حظ كما تسميه، بل هو كرم من الله الكريم عليك.. طريق الصبر نهايته جبر مهما طال، سلم أمورك الله وتوكل عليه وراحة بالك لن تفارقك مهما ضاقت بك الحياة. صلو على النبي ﷺ ♥️ يــــــــــتـبـع.