#أحببتك لكنك لست لي《8》🩷 #♡بيسان♡☆☆☆_____♡♡♡____☆☆☆ بعد حسيت أني أفضل قلت لي وجن بعد انا ح أمشي عشان م أحسس ناس أمي أنو في شيء قالت لي طيب بس خليني أمشي معاي كلمت أمها وطلعنا وصلنا لقينا أمي في البيت ونديم ماف سلمت عليها قالت لي خلاص حاسة نفسك أحسن قلت ليها الحمدلله مشيت غرفتي وجن قعدت حبة مع أمي وجاتني أتكلمت معاي شوية قالت لي هوني على قلبك وأشغلي نفسك بي شيء وادعي ربنا ينزع حبة من قلبك عارفاها صعبة بس ده الأفضل قلت ليها طيب ان شاءالله 🥺 قالت يلا بعد ده انا ماشة ودعتني ومشت بعد وجن طلعت مشيت لي أمي أقعد معاها بقيت أحاول أكون طبيعية بس قلب الأم دايما يفوز🫶🏼 لقيتها بتقول لي بيسو فيشنو غير الصداع معقولة ده كلو قلت ليها بجد ماف شيء قالت لي م مقتنعة بس يلا ح أعديها واحنا وقاعدين جا نديم قال لي الناس الشاردة من البيت قلت ليو نيدو مشتاقين يخ😂🫶🏼 قال لي لا مالك شاحبة كدا في حاجة يبت ن تحاولي تكذبي ضحكتك زاتها كيئبة أمي قالت ليو نفس القلتو قلت ليهم بجد ماف شيء عارفاهم م مصدقيني بس أتجاوزوني نديم قال لي م نفسك نطلع قلت ليو صراحة تعبانة قال اوكي فرصة وضيعتيها عشان م أنكشف قدامهم قلت ليهم عندي محاضرات ماشة اقراهم وقمت منهم دخلت غرفتي م طلعت الا المغرب لما نادوني لي الغداء فكنت طبيعية شديد باكل بس الاكل نازل في حلقي زي السكاكين م عارفة كيف خلصت شلت العدة غسلتها عشان أنهي شكهم كنت جايبة لي نديم هدية بس م قدرت أديها ليو يوم التخريج ف أديتها ليو قلت ليو مبروك مرة تانية قال لي فكرتك نسيتني😕 قلت ليو أنا عندي كم نيدو عشان أنساك قال لي الطبيل ده يخلو ليك😂 قلت أصلك م ينفع معاك كلام سمح قلت ليهم يلا ياجماعه تصبحو على وانت ي أخوي البريدو بكرا انا شغالة جامعة إياك تصحى متأخر 😁👋🏼 #:”رائعة تلك الابتسامة التي تقول للحزن لن تغلبني 😉🤗” يتبععععع 👋🏼