هلمند؛ گرمسېر ولسوالۍ کې د ۱۲ لوبډلو ترمنځ د فوټبال سيالۍ پيل شوې شنبه، د غبرگولي ۳۱مه، ۱۴۰۴ د هلمند ولايت د بدني روزنې او ورزش آمریت اړوند د فوټبال فدراسیون د استازولۍ له لوري او د نور علي نورزي په مالي ملاتړ د گرمسېر ولسوالۍ په هزارجفت فوټبال حوزه کې د ۱۲ لوبډلو ترمنځ د "ش.ه.ي.د لعل محمد" په نوم د فوټبال گروپي سيالۍ پيل شوې. د دغو سياليو په لومړۍ لوبه کې هزار جفت مرکزي لوبډلې خپلې سيالې خراسان لوبډلې ته د ۰/۳ گولونو په توپير ماتې ورکړه او بريا يې په خپل نوم کړه. د يادو سياليو موخه د ځوانانو لپاره د سالم مصروفیت برابرول او ترمنځ يې يووالی رامنځته کول دي، چې يوه مياشت به دوام وکړي.