بكرة هتبدا الامتحانات النظرية للدبلومات الفنية احب اوضح لكل الطلبة بعض النصائح اللى هتفيدهم ان شاء الله فى الإمتحان 1- اهتم بتسطير كراسة الإجابة بالقلم الرصاص والمسطره 2 - اكتب اسمك ورقم جلوسك بخط واضح بدون أخطاء 3 - كتابة كل سؤال فى ورقة منفصلة بخط جميل وواضح ولو خطك مش حلو اكتب على سطر وسيب سطر ومد خط بين كل نقطه والتانية يعنى لو السؤال عبارة عن أ - ب - ج افصل بينهم بخط بالرصاص 4 - لو عندك اكتر من إجابة للسؤال الواحد اكتب فى ورقة تانية حل آخر ماعدا أسئلة الصح والخطأ 5 - لو اكتشفت إنك أخطأت فى السؤال متشطبش عليه نهائيا علم على الورقة بخط واحد عمودي من أعلى لاسفل بالقلم الرصاص 6 - ممكن تبدأ إجابتك بأى سؤال يعنى مش شرط ترتيب الأسئلة فى كراسة الإجابة يعنى ممكن تبدأ بالسؤال الرابع مثلا فى أول كراسة الإجابة 7 - لو المادة من خمس أسئله وطلب منك تحل أربعه فقط ممكن عادى تحل الخمس أسئله لان المصحح بيديك الدرجه على أكتر اسئله انت حليتها صح 8 - بالنسبة لمادة الرسم الفنى بجميع التخصصات ياريت يكون معاك جميع الأدوات الخاصة بالرسم ونرسم بالقلم الرصاص بخط خفيف وعند التأكد من الحل نتقل عليه بالرصاص وعند المسح بالأستيكه منشيلش البرادة بتاعت الأستيكه بايدينا يكون معانا منديل علشان اللوحة تطلع نظيفة واهتم بالمقاسات كل النصائح دى لو اهتميت بيها هتفرق معاك اوى فى الدرجات لان المصحح بيديك درجات كويسة على النظافه والشكل والتنسيق والمقاسات ولو انت محتاج درجات علشان تنجح فى المادة هيديهالك المصحح درجات للرأفة ربنا يوفقكم جميعا ان شاء الله