*د لوړو زده ‌کړو سرپرست وزیر د کندهار ابراهیم النخعي رحمه الله جامعې څخه لیدنه وکړه* د لوړو زده ‌کړو سرپرست وزیر محترم شیخ الحدیث مولوي نداء محمد ندیم، کندهار ولایت ته د خپل رسمي سفر په ترڅ کې د کندهار ابراهیم النخعي رحمه‌ الله جامعې له رهبرۍ، استادانو او فاضلانو سره ناسته وکړه. محترم شیخ صاحب د یادې جامعې له مسوولانو او استادانو سره په ناسته کې د هغوی وړاندیزونه او غوښتنې واورېدې او د ستونزو د حل ژمنه یې ورسره وکړه. دغه راز نوموړي د فاضلانو د مطالعې بهیر له نږدې وکوت، له هغوی سره یې په انفرادي ډول خبري وکړې او هغوی ته یې د لا زیاتو درسي اسانتیاوو برابرولو ډاډ ورکړ.