*Tahan Leh Munlai Kiim Ah Thautangpi 2 Kia!* 18th Jun. 2025 Tuzan/ zingsanglam nai 1:30 kiim in Kalaymyo, Tahan Tualpi khang, YCW dang sak deuh kiim ah thautangpi khat kia in, puakkham a, mihing kuamah sukha sam lo hi. Thautangpi pen lampitung ah kia in, puakkham a, akiang a inn sukha himahleh mihing khawngkha lo kiau hi. A thau lim’gin mah² in, athautangpi nente Tahan khuasung ah kitheh hi. Akiang a taih inn pawlkhat sukha a, mihing aliam om lo ahihman in phadawm mah² cih ding hi. Thautangpi khat pen Munlai Tualpi khang Inn 4na kiim tu, himahleh puakkham lo ahihman phadawm mah² hi. A thautangpi lampi laizang a lei neel mah² na mun lian ah tu masa in, tuankhia kik a, huangdaai umna khuam khat phutan in, innnuai ah lut in puakkham lo hi. Pasian in thautangpi kem lo in, phuakkham hizenleh atukna inn neite hitaleh aveng-apam a te’ a ding genngam loh tuahsiatna lianpi aomthei ding ahi hi. Hun sia leh sihtheihna pan Topa'n mipite hong kem mah² hi. Zogam, Kawlgam ah daihna nopsakna hong tung meng² henla, sihtheihna tuahsiattheihna pan mipite Topa’n hong kem den hen. ©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭 > For more updates, follow our Channel https://whatsapp.com/channel/0029VagGXwJBA1f6S5IuCN1W