Ngaripur *Thiltung Report Tomkim | Phubala Ah Kikaptuahna Om Zek* *19/06/2025 (Thu):* Tuni nitaklam dak 3:00 vel in Talpak pasal khat, *Ningthoujam Biren Singh,* kichi loubawlmi - Phubala Awang Maning Leikai a zanglou a nnasem a omlai, meltheihlouhte’n va kap ua, thautang in akhut veilam kha hi. Liamna atuahphet in Bishnupur District Hospital tut himahleh, anung in Doctor-te’ deihna bang’in RIMS Hospital, Imphal tut in om nawn hi. A dinmun ahihleh tu dinmun in lauhthawng huailou a, hoih lam nawt zel hi’n _report_ in taaklang’ hi. Hiai thaukhahna thukkikna in, Security Force te’n Langchingmanbi, Heichanglok, leh Phubala tum’lam area te ah _search operation_ nei zui ngal ua, huai hunsung in meltheihlouhte’n Security Force te thau in ana kap ua, huchi’n kikaptuahna piang zui ngal hi’n kigen hi. Huchia akikaptuahna lam un, Langchingmanbi khua nupi khat thautang in kha a, vangtahhuai tak in ahinna ana taan’lawh hi. Sihna tuak pen Langchingmanbi khua *hausapi Pi Hoikholhing* hi’n theih in om hi. Police te kigolh in, _legal_ thil poimohte hih hidi’n Lamka District Hospital tut in om hi’n thudonna in gen hi. Hiai thiltung [nih]-te toh kisai in Police in _case register_ khinta a, suizuina _investigation_ pai lel² hi’n leng kigen hi. ©𝐙𝐨𝐠𝐚𝐦 𝐈𝐧𝐒𝐢𝐠𝐡𝐭 > For more updates, follow our Channel https://whatsapp.com/channel/0029VagGXwJBA1f6S5IuCN1W