*THEIHNA BEHLAP NI* _*Mizoram a lampi a siat chianga hahsiang sak pahpah uh, eilam chuh, JCB sawtpipi ngak ngai*_ Guite road (NH-102B) package 7 in kikhen a, package 5 ah company nasem omlel a, amau nasepna huamsung hoihtakin enkai ua, menchim aom chiangun leng hahsiang pahpah ua, gari ki tang kha khollou uhi. _*Tuni mahmah in leng, Suangdoh gam a leitolhte Maukot a om company ten hahsiang pah ua, khualzinmite a dingin bangmah nawngkaina omlou hi (enclosed picture)._* Himahleh, company nasemtu omlouhna- package 4A&4B (Khuanggin-Sinzawl leh Sinzawl-Khawkawn) a menchim aom chiangin buaihuai hi. Huai ziakin heutu tuamtuamte toh pangkhawn in JCB ki ngen a, nhidcl ten leng poimoh ngaih in khat hon koihsak pah uhi. A huntawkkei chih i thei chiat a, himahleh, tu leh tu a i hihtheih tawp ahi. Sinzawl gam a semtu dingin Bhopal pansan company khat- AK Shivhare ten contract man mahle uh, tuni tan nasep kipan nailou uhi. Huai ziakin, hiai company te, amun a hong lut ua, nasep hon pat pah na dingun i hihtheihna lam chiat ah pang khawm ni. Thil omdan hiai bang ahih manin, _*Mizoram a lampi a siat chianga hahsiang sak pahpah uh, eilam chuh, JCB sawtpipi ngak ngai*_ chih ngaihdan i neihkhak sek pen uh, dik kimlou hi. Lampi siatna, nasemtu company omlouhna mun ahihkhak ziak hi zaw hi. Maban ah, I lamlian hong hoih semsemna dingin i pantheihna làm chiat ah pangkhawm lai ni.