Free Movement thu hung ging panta. Ipi dinmun a idindiu hitam? SoO group toh govt. kihouhi Mipi in pha isah uva ium diu hitam? Tuchan a SoO group le Govt. kihou naho ivet le SoO in Govt. ajona thu mong2 kijakha lou a hichepi hi ikinep piuva iti ium um u ham? Mipi in hoitah in lunggel ute achuti loule ikhonung ding hi thimpi ajing e. Naga gal a igenthei nao le Meitei gal a igenthei nahou hi mohseh hiding in aum gotai. Mipin hoitah in vechil uhite akhoh le SoO hi Govt. koma ladoh tauvin tia kiphin thei hilou ham? Ajeh chu amahon eiho Mipi lungdei in thu aseidoh pouvin, chule Govt. jong akihou pivang uvin apumjo pouve. Kum 2005/6 laichun Eimi news Zalen Banner le adang2 ho a SoO lahleh lah lou ding in kinel na thu tampi anaum in kanasim in ahi. Atamjon SoO hi lahlou ding ahi tia anasei vang uvin lamkai hon akilah thou2 uvin, hiche lai apat chun koima thu lalou in ana umun tunjong koima nel ngam dou ngam lou in amaho thusah bouvin Free Movement phal ding ti ahung ging kittan ahi. Hiche dinmun ahinphah tah le Meitei gal jong ajo na lang hung hiding ahitai. Meitei gal hi ima umlou a kicham ding hi nadet thei mong hinam tihi eima cheh ikigel uva pha isah lou le iti pan ilahding ham tihi ikigot na hiding ahi.